JOHN TERRENCE TATE, PREMIO ABEL

A Academia das Ciencias e das Letras de Noruega acaba de distinguir a John Terrence Tate co premio Abel, considerado como ó Nobel das Matemáticas, polos seus traballos en teoría de números.

O premio foi establecido polo Parlamento Noruego no ano 2002. Un comité composto por cinco matemáticos de recoñecido prestixio internacional seleccionan ao gañador de cada ano.

A teoría de números é a rama das matemáticas que estuda as propiedades dos números enteiros e conta cun certo número de problemas (Conxetura de Golbach, Conxetura dos números primos..) que son fácilmente comprensibles para os non matemáticos. Divídese en dúas ramas pricipais: na teoría de números elementais estúdanse os números enteiros sen empregar técnicas doutros campos das matemáticas e na teoría de números alxebraicos o concepto de número esténdese para incluir os números alxebraicos que xorden como raíces de polinomios con coeficientes racionais.

O MATEMÁTICO PERELMAN GAÑA O PREMIO DO MILENIO

Si, xa sei o estades pensando ao ver a cara que ten. O seu físico e a súa forma de actuar cadra moi ben co estereotipo de xenio tolo, pero estades ante o que pode considerarse como un dos matemáticos máis importante do mundo. Hai uns anos resolveu a Conxetura de Poincaré, que fora proposta no ano 1900 no Congreso Internacional de París, polo que no ano 2006 se lle concedeu a Medalla Fields, que é o Nobel para matemáticos menores de 40 anos. Non acudiu a recoller o premio no congreso que se celebrou en Madrid.

Ahora o Instituto Clay, con sede en Estados Unidos, concedeulle o seu primeiro galardón Problema do Milenio dotado cun millón de dólares. Ninguén sabe se aceptará o premio porque dende o ano 2006 rexeita o contacto cos seus colegas e crese que abandonou totalmente as matemáticas.

Para saber máis pincha aquí

E no cotián... a poesía: Florbela Espanca 1894-1930

Hai xa dez anos que a Unesco celebra o Día Mundial da Poesía. En palabras da directora xeral da UNESCO, Irina Bokova: "a poesía captura aquela parte da experiencia humana que é máis dificil de interpretar." Quizá por iso sexa difícil expresar, se non é poeticamente, en que consiste o oficio de poeta. Florbela Espanca, a autora portuguesa que traemos hoxe a este blog, fai unha tentativa no seguinte poema:

Ser poeta é ser mais alto, é ser maior
Do que os homens! Morder como quem beija!
É ser mendigo e dar como quem seja
Rei do Reino de Áquem e de Além Dor!

É ter de mil desejos o esplendor
E não saber sequer que se deseja!
É ter cá dentro um astro que flameja,
É ter garras e asas de condor!

É ter fome, é ter sede de Infinito!
Por elmo, as manhãs de oiro e de cetim...
É condensar o mundo num só grito!

E é amar-te, assim, perdidamente...
É seres alma, e sangue, e vida em mim
E dizê-lo cantando a toda a gente!

Poemas por sms

Na véspera do Día Mundial da Poesía, facémonos eco desta iniciativa da asociación cultural Orihuela 2010. Xa na segunda edición, este certame de poesía valorará especialmente a relación dos poemas co universo poético de Miguel Hernández, poeta natural desa localidade alacantina do que se celebra este ano o centenario do nacemento. Os poemas non poden exceder de 155 caracteres e deben empregar o código habitual dos sms, podendo estar escritos en castelán ou valencián. O prazo de envío dos poemas remata o 30 de abril e o primeiro premio é un miniportátil. Podedes consultar todos os requisitos de participación na páxina da asociación.

Club de lectura

O próximo luns, 22 de marzo, vémonos no recreo para rematar o libro que estamos a ler: "Cando petan na porta pola noite" de Xabier P. Docampo.

Compartiremos a lectura das dúas historias que nos quedaban.

Finalistas no concurso do manifesto do correlingua 2010

Este ano participaron do noso instituto varios grupos de alumn@s no concurso. Os de 2º de Bacharelato A conseguiron quedar de finalistas: o premio consiste nunha excursión didáctica de dous días dentro do Proxecto Terra organizado polo Colexio de Arquitectos de Galiza, onde colaboran entre outras entidades a Asociación Socio-Pedagóxica Galega.

Parabéns aos nosos alumn@s, que disfrutedes do viaxe!

O Manifesto premiado é "Manifesto máis aquí!", que reproducimos:

Nós os galegos nun momento da nosa historia deixamos de ser nós; dende que lle arrebataron o trono a Xoana a Beltranexa, dun día para outro vímonos avasalados por Castela, impuxéronos un idioma que non era o noso, roubándonos a nosa cultura. Estivemos silenciados ata que nos socorreron uns heroes encabezados pola nosa querida Rosalía de Castro baixo o lema "denantes mortos que escravos", entón puxémonos en pé e comezamos coa nosa loita para recuperar a nosa propia identidade e a día de hoxe nós, coma galegofalantes e ferventes defensores do noso idioma manifestámonos para evitar unha nova etapa de silencio. Dános mágoa a xente que non é capaz de entender o que é sentir morriña pola nosa propia terra.

Non podemos permitir que pola perda da lingua de Pondal os nosos fillos medrasen vendo "cascadas" no lugar de fervenzas, que teñan "novias guapas" no lugar de mozas riquiñas coas que pasar o tempo de lecer.

Deberiamos ter en conta que o idioma galego vén de moitas xeracións e pensamos que para a súa difusión precisamos de todos os medios posibles como a radio ou o cine porque... como esquecer as tardes diante do televisor vendo o Xabarín Club e cantando as inesquecibles cancións como por exemplo "estou na lavadora" ou os cánticos de Heredeiros da crus, porque preferimos os "Bolechas" a "Manolito Gafotas", e porque a nosa vida é máis fácil sen tempos compostos.

En síntese, e para non aburrir ao lector ou lectores, o galego é un idioma digno do cal nos podemos sentir realmente orgullosos, por iso dende aquí queremos concienciar á xente de que "maloserá" que se nos xuntamos todos e nos valoramos como galegos que somos, chegaremos a acadar de novo a época de esplendor da que gozaban os nosos devanceiros onde a nosa lingua se valoraba moito máis que nos tempos que corren, pleno século XXI.

Por todos estes motivos só diremos con respecto ao galego:

"Ten as súas razóns o corazón que non entende a razón"

Noraboa tamén ao resto de participantes e en especial aos gañadores, podedes ler o seu manifesto AQUí.

Escher e Matemáticas

Durante os próximos días estará instalada no corredor da planta baixa e na aula 20 a exposición interactiva Escher e Matemáticas (Diálogo entre ciencia e arte).
O conxunto da actividade reúne unha pluralidade de formatos: actividades manipulativas, actividades informativas e de guía para a interpretación das obras de Escher, actividades de observación interactiva e actividades de interpretación.

Día Mundial do Consumidor

O 15 de marzo de 1962, o presidente dos Estados Unidos nese momento, John F. Kennedy, anunciou os dereitos de todos os consumidores e invitou a convocar este día como Día Mundial do Consumidor.
Non foi ata o 15 de marzo de 1983, máis de vinte anos despois do discurso de Kennedy, cando se celebrou por primeira vez este día, que supón unha chamada de atención a todos os cidadáns, sobre a idea de que só un consumo responsable é bo, algo polo que traballan tanto as asociacións de consumidores como todos os organismos públicos de consumo.
Foi o 9 de abril de 1985 cando a Asemblea Xeral de Nacións Unidas adoptou as Directrices de Nacións Unidas para a Protección dos Consumidores, quedando así os dereitos destes elevados a unha posición de recoñecemento e lexitimidade internacional.
Este ano 2010 conmemóranse 48 anos dende a primeira declaración dos dereitos dos consumidores, e vemos que estes experimentaron e viviron moitos cambios: un novo medio de consumo que é Internet; unha nova moeda, o euro, algunhas das crises alimentarias e sanitarias máis graves dos últimos anos...

Aínda seguimos a experimentar cambios e a intentar adaptarnos, pero quizáis o máis importante sería conseguir que as nosas accións contribuisen a crear unha sociedade máis xusta, máis solidaria e máis sostible.

¿CÓMO? Optando por un consumo responsable día a día. Intermon Oxfam xunto con Hispacoop edita e facilita a Guía para un consumo responsable. Podes descargala si pinchas no enlace na páxina de Intermon Oxfam AQUÍ.

No Día do Consumidor, as asociacións de todo o país recordan aos cidadáns que coñecer os seus dereitos é algo básico para no deixarse avasallar pola avalancha de intereses comerciais que lles rodean. Saber que se pode esixir é unha garantía.

Outros enlaces de interese:

http://www.omco.org/

http://www.consumo-inc.es/GuiaCons/derecho/home.htm

Miguel Delibes 1920-2010

Chéganos hoxe a nova do pasamento de Miguel Delibes. Non é doado dicir algo orixinal ou novidoso dun autor tan coñecido. Cremos que non haberá mellor maneira de facernos eco desta nova que a de propoñervos a lectura dalgunha das obras deste autor das que dispoñemos na nosa biblioteca. Pero en tanto non chega o luns, para que poidades solicitar o préstamo, déixovos co comezo (ou case) de Cinco horas con Mario: "Después de cerrar la puerta, tras la última visita, Carmen recuesta levemente la nuca en la pared hasta notar el contacto frío de su superficie y parpadea varias veces como deslumbrada. Siente la mano derecha dolorida y los labios tumefactos de tanto besar. Y como no encuentra mejor cosa que decir, repite lo mismo que lleva diciendo desde la mañaña:"Aún me parece mentira, Valen, fíjate; me es imposible hacerme a la idea."

Espero que este comenzo sirva para encamiñar a algúns á lectura da obra e ao descubrimento do seu universo, cumprindo así a función que ao comezo dun libro lle atribue Amós Oz na súa obra La historia comienza: "el comienzo de casi todos los relatos es realmente un hueso, algo con lo que cortejar al perrito, que puede acercarlo a uno a la dama."

Número 3 do boletín

Con motivo da inauguración dun punto de lectura no corredor da entrada do instituto, publícase o número 3 do boletín da biblioteca. Non ten outra finalidade que a de informar da súa creación e das posibilidades que ofrece á comunidade educativa. Libros, comics, revistas e xornais saen da biblioteca ao encontro dos lectores.

SEMANA DA PRENSA

A lectura da prensa diaria serve para coñecer a realidade cotiá; ademais, aprender a facer unha lectura crítica é fundamental para reflexionar sobre os sucesos diarios dos distintos ámbitos dunha sociedade inmersa nun mundo globalizado. Para non estar perdido, para poder situarse nunha sociedade plural e rapidamente cambiante, hai que ter información sobre o que ocorre, sobre o que se opina e sobre o que se discute, ao noso arredor e no outro extremo do mundo. E para obter esa información e reflexionar sobre ela, a prensa escrita é un medio privilexiado.

No instituto poderanse ler esta semana, ademais dos xornais habituais, outros en distintos idiomas que estarán no recén inaugurado punto de lectura.

Tamén hai a posibilidade de utilizar a prensa dixital española e doutros países, con sitios como Online Newspapers, completo directorio que se organiza por continentes e países, e tamén alfabeticamente.

Non tes escusa para non estar informado!

Inauguración do PUNTO DE LECTURA

Hoxe, luns 8 de marzo, inauguramos o punto de lectura no corredor de entrada do instituto.

É un punto de libre acceso durante os tempos de lecer, polo que o alumnado pode facer uso do material neses momentos da xornada.

Cando se utilice o material recolocarase no seu lugar de orixe, e cando se queira levar prestado rexistrase o préstamo na biblioteca.

O uso responsable do mesmo será beneficioso para todos.

Esperamos que sexa do voso agrado.

8 de marzo: día da muller

Entrega de premios do concurso "matemáticas na música"

O pasado día 12 de febreiro tivo lugar a entrega de premios do concurso "matemáticas na música" que gañou o alumno de 4º de ESO Cristian Toimil Arango. Aquí está posando xunto cos finalistas e cos membros do xurado. Parabéns a tod@s os que participaron e esperámosvos para a próxima convocatoria.

Premio Escolar Paz e Cooperación 2010

O lema é COIDA O teu PLANETA - Todos contra o cambio climático, e ten varias categorías:

1. DEBUXO: Ata os 6 anos.
Unha imaxe vale máis que mil palabras. Representa nun papel como é o planeta no que che gustaría vivir. Podes utilizar pinturas de todo tipo, e ata calquera tipo de materiais que poidas pegar como follas de piñeiro, algodón, flores, etc., pero recorda que a túa misión é coidar o teu planeta.
2. CARTEL E LEMA: De 7 a 12 anos. A importancia de dar exemplo.
O chan estase degradando a un ritmo alarmante. As especies vexetais e animais están desaparecendo a un compás sen precedentes. O cambio climático está provocando unha elevación do nivel do mar e acrecentando o perigo de secas e inundacións. Se sobreexplotan a pesca e outros recursos mariños. Tanto nas zonas urbanas como nas rurais, miles de millóns de persoas carecen de auga potable e de instalacións básicas de saneamento. STOP! As persoas intelixentes non queremos un mundo así. Ilustra nun cartel con expresivo lema que accións concretas pódense realizar para mellorar o medio ambiente e salvar ao planeta.
3. MURAL: De 13 a 16 anos. Aprender a cooperar.
Coidar o planeta empeza por un mesmo; pero NON é só unha tarefa individual. Debemos traballar de xeito coordinado porque os recursos son limitados e temos que compartilos con persoas que coñecemos e con outras que non coñecemos. O coidado do planeta únenos. Reúnete cos teus compañeiros e elabora un mural no que se mostre que a unión fai a forza. Sen cooperación non pode haber un planeta feliz.
4. CAMPAÑA PUBLICITARIA: De 16 a 18 anos.
Propoñémosche que imaxines que es un publicista e que tes que elaborar unha campaña de comunicación en todo o mundo para concienciar sobre a necesidade de coidar o planeta. Elabora e deseña de forma gráfica e resaltando os valores positivos a campaña "Coida o teu planeta".
5.- Día Mundial do Medio Ambiente (5 de Xuño) ou Día da Terra (22 de Abril). Profesores.
Aos profesores invítaselles a organizar unha festa con motivo do Día Mundial do Medio Ambiente ou do Día da Terra para compartir esta celebración con todos os centros escolares do mundo. Gravar un vídeo ou unha reportaxe fotográfica.
6. Crear un club de Amigos do Planeta. Para todas as idades incluíndo familiares e coñecidos.
¡Coidar o planeta é un traballo en equipo! Crea o teu propio club, ponlle un nome, deseña o seu logotipo e compón o seu himno. Comunícanos esta boa noticia mediante un CD, un DVD ou similar. En 2011 organizaremos un campionato mundial de clubs, un mundialiño para o planeta.

Idiomas: Os traballos dos estudantes e profesores presentaranse en calquera dos 6 idiomas oficiais de Nacións Unidas: árabe, chinés, español, francés, inglés e ruso.
Prazo de entrega: Os traballos deberán enviarse antes do 5 de xullo de 2010 á sede de Paz e Cooperación en Madrid por correo postal ou electrónico. Fundación Paz e Cooperación. C/ Meléndez Valdés, Nº 68, 4 izq. 28015 Madrid (España) Tel. (34) 91 549 61 56 Fax: (34) 91 543 52 82. Email:pazycooperacion@hotmail.com
Nos traballos deberán figurar claramente: nome completo, data de nacemento, dirección, teléfono e o centro escolar ao que pertencen, facéndose constar así mesmo a dirección, teléfono e correo electrónico de devandito centro. O xurado Internacional reunirase en Madrid o 24 de Outubro de 2010, Día das Nacións Unidas, no Instituto Exipcio de Cultura.

Premios: Catro diplomas en cada categoría. Seis premios de 300 euros. Dous billetes de avión ofrecidos por Airline Ambassadors (válidos para a categoria 6)
O fallo do xurado publicarase en Internet, na Web de Paz e Cooperación, http://www.peaceandcooperation.org/.

Día Internacional das enfermidades raras

Infórmate en http://www.eurordis.org/es (podes implicarte e participar nun concurso de fotografía e vídeo) e en http://www.enfermedades-raras.org/

.

Concurso de fotografía: O euro, que significa para nos?

O euro é a moeda única compartida (na actualidade) por 16 dos 27 Estados membros da Unión Europea que no seu conxunto compoñen a zona euro. A introdución do euro en 1999 constituíu un gran paso na integración europea. Tamén representou un dos seus éxitos máis notables: aproximadamente 329 millóns de cidadáns da UE úsano como moeda e gozan das súas vantaxes, que seguirán estendéndose a medida que outros países da UE adopten o euro.

«O euro: Que significa para nós?» é un concurso de fotografía para residentes da UE de 14 a 18 anos, que traballen conxuntamente en equipos para explorar o tema do euro na Unión Europea. Para participar debe enviarse unha foto orixinal, feita polo equipo, que ilustre a vosa visión do euro. Que significa o euro para vós? Que é o que vos gusta do euro? A imaxe tamén debe ir acompañada dun breve pé de foto explicativo.

Dende xaneiro do 2010 poden facerse as inscripcións, invítase aos participantes a que se rexistren o antes posible para poder concursar (hai un formulario de inscripción dispoñible no enlace inferior). O límite para enviar as fotos é o 31 de marzo de 2010 ( é conveniente ver o artigo 3 das regras do concurso).

O concurso está organizado pola Dirección Xeral de Asuntos Económicos e Financeiros da Comisión Europea. A primeira rolda do concurso realizarase a nivel nacional: haberá un equipo gañador por cada Estado membro da UE que participe. Todos os membros do equipo recibirán un premio. Os sete mellores equipos dos 27 gañadores nacionais serán invitados a Bruxelas, onde o equipo gañador xeneral recibirá os seus premios nunha cerimonia de entrega.

Para inscribirse e informarse mellor preme AQUÍ

Xoves de humor

O Concello de Lugo, en colaboración co Igaem, achega á cidade o ciclo Teatro Galego en Lugo. O Auditorio Municipal Gustavo Freire acollerá a montaxe de catro pezas galegas os días 25 de febreiro e o 4, 11 e 18 de marzo as 20.30.

A primeira das obras en chegar á cidade será E ti de quen ves sendo? de Talía Teatro O espectáculo plantexa que pasaría se, de súpeto, alguén que é unha copia exacta de ti mesmo ocupase o teu lugar na vida.
A seguinte das obras chega da man de Ónfalo Teatro que representarán Neuras, unha comedia sobre as neuras da sociedade contemporánea e urbana.

Fulano, Mengano e Citano presentan o 11 de marzo Nunca menos, un percorrido en clave de humor a través da historia de Galicia.

Porá fin a este ciclo Lagarta Lagarta coa obra O segredo dos Hoffman. A historia conta como os catro membros dunha familia rota por un segredo oculto se xuntan de novo con motivo do falecemento da avoa.

As entradas poderán mercarse na taquilla do Auditorio Municipal Gustavo Freire os días das funcións unha hora antes dos espectáculos. O importe das entradas variará segundo a zona: zona A 10 euros, zona B 7 euros e zona C 5 euros.

Seguimos co club de lectura

Empezamos coa lectura do segundo libro: "Cando petan na porta pola noite" de Xabier P. Campo. Se non puidestes vir a reunión que tivemos no recreo pasade pola biblioteca a recoller o voso exemplar.
Vémonos o 8 de marzo para compartir a lectura das dúas primeiras historias.
Que o disfrutedes, e ata pronto.

Que quede quen o conte nº 4

Recén chegado á nosa biblioteca, presentamos o último número desta publicación periódica: Que quede quen o conte. É froito do traballo dun grupo de mestres comprometidos coa renovación pedagóxica e co ensino en lingua galega. Escriben desde a súa experiencia docente no mundo rural e a súa publicación quere ser "testemuña e defensa do mundo rural galego". O tema do número 4 que recibimos está dedicado á "imposición do español en Galiza". Consideramos especialmente oportuna a presentación desta publicación no día de hoxe, pois coincide coa celebración pola UNESCO do Día Internacional da Lingua Nai, que este ano ten ademais un significado especial ao se celebrar tamén o Ano Internacional para a Aproximación das Culturas.

Debúxame un dereito!

A Dirección Xeral de Xustiza, Liberdade e Seguridade da Comisión Europea organiza un concurso europeo de creación de pósteres titulado «20 Aniversario da Convención das Nacións Unidas sobre os Dereitos do Neno», o slogan é «Debúxame un dereito!». O póster deberá ilustrar un dereito da Convención da ONU sobre os Dereitos do Neno. Os equipos participantes deberán explicar no formulario de participación por que elixiron un determinado dereito para ilustralo no póster, e cal é a idea que desexan transmitir co mesmo.
Poden participar todos os mozos residentes nos 27 Estados membros da Unión Europea, que pertenzan a un dos dous seguintes grupos de idade: 10-14 e 15-18 anos.

Serán de aplicación as seguintes regras:
Formato do póster: papel tamaño A2 (42 x 59 cm). O póster non se deberá enviar dobrado, xa que se poderá utilizar no futuro (recoméndase utilizar un tubo ou unha peza grande de cartolina para o seu envío);
Débese achegar un formulario descritivo do traballo enviado e cada equipo pode deseñar e presentar varios pósteres se así o desexa.

Todos os gañadores nacionais serán invitados a unha estancia dun día na capital do país, para asistir á cerimonia de entrega de premios que se celebrará na semana que comeza o 10 de abril de 2010 (a Representación da CE confirmará máis adiante a data exacta).
Cubriranse os gastos de viaxe e aloxamento para os catro mozos e o adulto acompañante dos tres equipos gañadores de cada un dos dous grupos de idade, é dicir, 10-14 e 15-18 anos.
As obras que gañen os primeiros premios nacionais serán obxecto dunha segunda selección por parte dun xurado europeo composto por representantes da Comisión Europea e outros diversos membros como un docente, un profesional da comunicación, un artista gráfico, un ilustrador, un mozo en representación dunha organización xuvenil, etc.

Os tres equipos gañadores de cada categoría, é dicir, seis equipos en total, serán invitados a unha viaxe a Bruxelas do sábado 8 ao luns 10 de maio de 2010, para asistir á cerimonia de entrega de premios e descubrir todo o que a cidade pode ofrecerlles, incluídas as institucións europeas. Para cada un destes seis equipos gañadores cubriranse os gastos de viaxe e aloxamento de catro mozos e un adulto acompañante.

Para informarse mellor das bases preme AQUÍ

Concurso Espacial 2010

A 5ª edición do Concurso Espacial desenvólvese ao longo do curso escolar 2009/2010, en torno ao tema "navegación por satélite".

Está dirixido a escolares de Segundo Ciclo de ESO e Bacharelato e estudantes de Ciclos Formativos de Grao Medio, de todos os centros públicos, privados e concertados do Estado Español.
Establecéronse dúas categorías: unha para escolares de Segundo Ciclo de ESO e outra para estudantes de Bacharelato e Ciclos Formativos de Grao Medio.
Á súa vez, dentro de cada categoría existen cinco modalidades: robótica espacial, experimentación, investigación, narrativa / cómic e animación.

O premio consiste nun Campamento Espacial que reunirá, durante varios días, a todos os gañadores, e incluirá actividades educativas relacionadas co espazo (talleres de robótica espacial, de construción de foguetes e de observación das estrelas, coloquios, visitas a centros e empresas do sector aeoespacial...).

O prazo de presentación remata o 28 de febreiro, para máis información preme AQUÍ

E no cotián... a poesía: o día como pretexto

Habitualmente utilizamos esta sección como presentación de autores, mais permitímonos hoxe utilizar o día como pretexto para falar do amor como asunto poético. Sen dúbida pode ser considerado pouco serio por algúns, mais dubidamos que outro asunto teña máis presenza na poesía que o amor, e sendo esta unha sección que inserta a poesía na vida cotiá, consideramos obrigada a referencia.
Estableceremos unha especie de diálogo literario entre Pablo Neruda e Gabriela Mistral, autores chilenos ambos, que recibiron o premio Nobel de literatura. Tivemos ocasión de presentar a poesía do primeiro xa neste blog con anterioridade. De Gabriela Mistral diremos que foi o primeiro premio Nobel de literatura que chegou a América Latina. Pablo Neruda e Gabriela Mistral coñecéronse nos anos 20 do século pasado e Pablo Neruda afirma que foi Gabriela Mistral quen lle fixo ler os autores rusos que influiron na súa obra.


Aqui te amo...

Aquí te amo.

En los oscuros pinos se desenreda el viento.

Fosforece la luna sobre las aguas errantes.

Andan días iguales persiguiéndose.

Se desciñe la niebla en danzantes figuras.

Una gaviota de plata se descuelga del ocaso.

A veces una vela. Altas, altas estrellas.

O la cruz negra de un barco.

Solo.

A veces amanezco, y hasta mi alma está húmeda.

Suena, resuena el mar lejano.

Este es un puerto.

Aquí te amo.

Aquí te amo y en vano te oculta el horizonte.

Te estoy amando aún entre estas frías cosas.

A veces van mis besos en esos barcos graves,

que corren por el mar hacia donde no llegan.

Ya me veo olvidado como estas viejas anclas.

Son más tristes los muelles cuando atraca la tarde.

Se fatiga mi vida inútilmente hambrienta.

Amo lo que no tengo. Estás tú tan distante.

Mi hastío forcejea con los lentos crepúsculos.

Pero la noche llega y comienza a cantarme.

La luna hace girar su rodaje de sueño.

Me miran con tus ojos las estrellas más grandes.

Y como yo te amo, los pinos en el viento,

quieren cantar tu nombre con sus hojas de alambre.

Vergüenza

Si tú me miras, yo me vuelvo hermosa

como la hierba a que bajó el rocío,

y desconocerán mi faz gloriosa

las altas cañas cuando baje al río.

Tengo vergüenza de mi boca triste,

de mi voz rota y mis rodillas rudas;

ahora que me miraste y que viniste,

me encontré pobre y me palpé desnuda.

Ninguna piedra en el camino hallaste

más desnuda de luz en la alborada

que esta mujer a la que levantaste,

porque oíste su canto, la mirada.

Yo callaré para que no conozcan

mi dicha los que pasan por el llano,

en el fulgor que da a mi frente tosca

en la tremolación que hay en mi mano...

Es noche y baja a la hierba el rocío;

mírame largo y habla con ternura,

¡que ya mañana al descender al río

lo que besaste llevará hermosura!

XI PREMIO DE RELATOS CURTOS E CONTOS “XAQUINA TRILLO”

A Fundación Amigos de Galicia, coa colaboración do Concello de Vilagarcía de Arousa, e o patrocinio da Secretaría Xeral de Política Lingüística, pertencente á Consellería de Educación e Ordenación Universitaria da Xunta de Galicia, convoca o XI Premio de Relatos Curtos e Contos “Xaquina Trillo” para escolares, co dobre obxectivo de fomentar a creación literaria entre os nenos e mozos, e o uso do galego.
Poderán participar todos os escolares galegos ata 18 anos, dentro de dúas categorías (categoría A, ata 12 anos, e categoría B, entre 13 e 18 anos).
Os contos serán de tema libre, debendo ter na Categoría A unha extensión mínima de cinco folios, e de dez na Categoría B. En ámbolos dous casos, deberán presentarse dúas copias mecanografadas, a dobre espazo.
Os contos serán enviados polo seu autor ou polo Colexio/Instituto no que estude.
Establécense os seguintes premios:
CATEGORÍA A: contos escritos por nenos de ata 12 anos.
1º Premio 200€ e 20 libros, 2º Premio 150€ e 20 libros, 3º Premio 100€ e 20 libros e 4º Premio 75€ e 20 libros.
CATEGORÍA B: contos escritos por nenos de entre 13 e 18 anos.
1º Premio 200€ e 20 libros, 2º Premio 150€ e 20 libros, 3º Premio 100€ e 20 libros e 4º Premio 75€ e 20 libros
A contía será equivalente en libros premiados para os centros de ensino.
O Xurado estará formado por escritores e profesores galegos, actuando como Secretario con voz pero sen voto, Jesús Busto Peteiro. A súa decisión será inapelable e terá lugar o 13 de maio de 2010, no Concello de Vilagarcía de Arousa.
O lugar de presentación é a sede da Fundación Amigos de Galicia en Rúa Fontecarmoa, nº 63 –baixo, 36600 de Vilagarcía de Arousa (Pontevedra), ou por correo electrónico: informacion@fundacionamigosdegalicia.org, e a data límite de presentación será o 30 de abril de 2010.
Os contos premiados serán publicados nun único libro. Os traballos na súa primeira edición serán propiedade da Fundación Amigos de Galicia. A presentación a este Concurso supón a aceptación das súas bases, decidindo o Xurado sobre calquera eventualidade non prevista nelas.
Os premios deste certame entregaranse no acto que se celebrará co gallo do Día das Letras Galegas, o 17 de maio de 2010, en Vilagarcía de Arousa (Pontevedra).

Entrega de premios do concurso matemáticas na música

Por fin! Despois dun longo proceso de selección e da correspondente deliberación, o xurado quere felicitar a todos os participantes polo seu esforzo en percorrer os camiños das matemáticas na música, seguindo quizá os pasos de Alessandro Marcello ou a musa Erato. E quere recoñecer especialmente a brillante elección musical de Cristian Toimil Arango, de 4º B, coa canción Finite Simple Group (of Order Two) do grupo The Klein Four. A canción é toda unha obra de arte que conxuga a boa música coa poesía amorosa e os conceptos matemáticos. O resto de cancións finalistas poden verse na páxina web do instituto e foron presentadas por Alba María Pereira Pontiza, Alba Mourelos Pernas, Daniel Castro Veiga, Marta Salgado Castelo e Sara Veiga López. A entrega de premios e os correspondentes diplomas acreditativos terá lugar o vindeiro venres 12 de febreiro ás trece horas.

Finite Simple Group (of order two)
A Klein Four original by Matt Salomone

The path of love is never smooth
But mine's continuous for you
You're the upper bound in the chains of my heart
You're my Axiom of Choice, you know it's true

But lately our relation's not so well-defined
And I just can't function without you
I'll prove my proposition and I'm sure you'll find
We're a finite simple group of order two

I'm losing my identity
I'm getting tensor every day
And without loss of generality
I will assume that you feel the same way

Since every time I see you, you just quotient out
The faithful image that I map into
But when we're one-to-one you'll see what I'm about
'Cause we're a finite simple group of order two

Our equivalence was stable,
A principal love bundle sitting deep inside
But then you drove a wedge between our two-forms
Now everything is so complexified

When we first met, we simply connected
My heart was open but too dense
Our system was already directed
To have a finite limit, in some sense

I'm living in the kernel of a rank-one map
From my domain, its image looks so blue,
'Cause all I see are zeroes, it's a cruel trap
But we're a finite simple group of order two

I'm not the smoothest operator in my class,
But we're a mirror pair, me and you,
So let's apply forgetful functors to the past
And be a finite simple group, a finite simple group,
Let's be a finite simple group of order two
(Oughter: "Why not three?")

I've proved my proposition now, as you can see,
So let's both be associative and free
And by corollary, this shows you and I to be
Purely inseparable. Q. E. D.

Matemáticas e música

Mentres o xurado do concurso está sumido nas deliberacións (ardua tarefa), deixovos aquí o Adagio do Concerto en re menor de Alessandro Marcello, matemático e músico que viviu en Venecia entre 1669 e 1747.

ULTIMA HORA: o fallo do xurado farase público o día 12 de febreiro ás 13 horas na biblioteca do centro.

Novas do club de lectura "As estantigas"

Empezamos a funcionar no mes de xaneiro e mañá rematamos a nosa primeira e gratificante experiencia lectora con Pel de lobo.

Esperámosvos á hora do recreo de mañá martes 9 de febreiro na biblioteca, onde compartiremos comentarios e outras dozainas.

A boa nova do trimestre foi a concesión dunha axuda para poñer en marcha este ilusionante proxecto.

Haberá sorpresas moi interesantes ...

Seguiremos informando!

Nova entrega do boletín

Acaba de publicarse o segundo número de información bibliográfica da biblioteca. Presentamos catro libros para lectores que non aman as matemáticas. Disfrutarás da súa lectura.

Queres xogar ao xadrez?

Coa colaboración do Concello de Lugo, o próximo venres 12 de febreiro comezaremos a reunirnos para xogar ao xadrez. Que aínda non sabes ben? Non te preocupes, podes aprender con facilidade. Só é cuestión de práctica... enfréntate a retos novos en cada partida, non hai dúas iguais. Para sabermos onde ubicar os taboleiros é preciso coñecer canto antes o número de persoas dispostas a participar, así que non tardes en apuntarte. Pasa xa por conserxería!

2010 Ano Europeo de Loita contra a Pobreza e a Exclusión Social

30 DE XANEIRO, DÍA DA NON VIOLENCIA E DA PAZ

O día 30 de xaneiro de 1948 o Mahatma Gandi, líder nacional e espiritual da India, foi asasinado por un fanático hinduista. Gandhi está considerado o máximo representante do pacifismo mundial. Un pacifismo comprometido coa loita polos dereitos das persoas e dos pobos e que levou a cabo por medio de accións non violentas. Coincidindo con esa data, dende o ano 1964, celébrase o 30 de xaneiro o Día Escolar da non Violencia e da Paz que xorde dunha iniciativa do profesor español Llorenç Vidal. O ano 1993 a UNESCO recoñeceu esta iniciativa como Día Internacional.

III Concurso de fotografía Leite Celta

Voz Natura e Leite Celta convocan a terceira edición do seu concurso de fotografía ambiental co obxectivo de pór en valor o importante patrimonio natural de Galicia.
Os traballos que se presenten deben recoller os diversos ecosistemas presentes en Galicia desde un punto de vista creativo, orixinal e interesante. Estes serán precisamente os factores que o xurado do certame terá en conta á hora de fallar os premios.

O concurso estrutúrase en dúas modalidades:
-Infantil: para nenos ata 12 anos.
-Xuvenil: de 13 a 18 anos.

O sistema de participación é moi sinxelo: unha vez realizada a fotografía, a imaxe insérese directamente na maqueta oficial do concurso, cóbrense os campos solicitados e envíase ao correo electrónico do programa (voznatura@lavoz.es). Se non se ten cámara dixital, tamén se pode imprimir a maqueta, pegar a imaxe no lugar reservado para iso e enviala por correo postal a Voz Natura. O prazo de presentación de traballos finaliza o próximo 15 de abril.

En cada categoría entregaranse tres premios:
-1º premio: cámara de fotos dixital de 12 mega píxeles (con zoom óptico, trípode e funda)
-2º premio: consola sobremesa Wii de Nintendo.
-3º premio: bicicleta de montaña de alumnio lixeiro de 24 velocidades e casco de seguridade.

Os gañadores recibirán os seus galardóns no transcurso da festa fin de curso de Voz Natura, que se celebrará o próximo mes de xuño, no parque de Acea de Ama (Culleredo- A Coruña).

Consulta as bases do certame, descarga a maqueta oficial e descobre as fotografías gañadoras o curso pasado AQUÍ

E no cotián... a poesía: Manuel María (1929-2004)

Poeta, como ningún, do seu tempo e a súa terra, Manuel María soubo cultivar todos os xéneros literarios con mestría. A súa poesía abrangue toda a temática humana desde a íntima identidade co país, de xeito que non dubidan en definilo como poeta nacional.

Poderíamos escoller miles de poemas para ler hoxe, desde os máis paisaxísticos aos máis íntimos, desde os máis combativos aos máis transcendentes, poderíamos ler quizá poemas máis académicos ou clásicos, mais había que escoller só un que levase a poesía ao día de hoxe:

O idioma é a chave
coa que abrimos o mundo:
o salouco máis feble,
o pesar máis profundo.

O idioma é a vida,
o coitelo da dor,
o murmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén.
¡Se perdemos a fala
non seremos ninguén!

O idioma é o amor,
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer.
¡Precisamos a lingua
se queremos vencer!

(do seu libro As rúas do vento ceibe)

Ciclo "Londres no cine"

As rúas da capital británica serven todos os anos de decorado para centos de películas e series de televisión. Algunhas delas axudaron a converter certas rúas, pontes ou parques en iconas do cine e lugares de interese para miles de turistas. Co ciclo ‘Londres no cine’, desde as salas da Fundación Caixa Galicia convídannos a percorrer unha cidade distinta baixo o punto de vista de oito directores de moi diferente índole. Ás oito da tarde en pase único, gratuitamente e ata o mes de marzo.

LUGO Programa completo

19 de enero, "Alfie" de Lewis Gilbert (1966)

26 de enero, "Frenzy" de Alfred Hitchcock (1972)

2 de febrero, "Secrets and Lies" de Mike Leigh (1996)

9 de febrero, "Closer" de Mike Nichols (2004)

23 de febrero, "Blow up" de Michelangelo Antonioni (1966)

2 de marzo, "Match Point" de Woody Allen (2005)

9 de marzo, "Lock and stocks" de Guy Ritchie (1998)

16 de marzo, "Wonderland" de Michael Winterbottom (1999)

Remata o prazo do concurso matemáticas na música

Lembrade que o vindeiro 30 de xaneiro remata o prazo de presentación de cancións para o concurso. Ánimo, ainda estades a tempo.

E no cotián... a poesía: T. S. Eliot (1888-1965)

Prometíamos hai unhas semanas traer a este blog a obra de T.S. Eliot, escritor estadounidense que obtivo a nacionalidade británica aos 39 anos. O motivo da promesa non era outro que a súa aparición na obra de Gioconda Belli. A obra de T. S. Eliot citada por Belli e presentada nesta anotación é o seu célebre Four Quartets. Esta obra está composta por catro poemas longos divididos en cinco seccións cada un. Cada poema leva por título un topónimo e arranca con unha descrición mais ou menos paisaxística, mais a temática común dos poemas é o tempo, desde diversos puntos de vista, e está ligado en cada poema a un dos catro elementos da antigüidade clásica (aire, terra, auga e lume). O fragmento que presentamos pertence á sección V do segundo poema: East Coker, e remata cos versos citados por Belli.

Because one has only learnt to get the better of words
For the thing one no longer has to say, or the way in which
One is no longer disposed to say it. And so each venture
Is a new beginning, a raid on the inarticulate
With shabby equipment always deteriorating
In the general mess of imprecision of feeling,
Undisciplined squads of emotion. And what is there to conquer
By strength and submission, has already been discovered
Once or twice, or several times, by men whom one cannot hope
To emulate –but there is no competition–
There is only the fight to recover what has been lost
And found and lost again and again: and now, under conditions
That seems unpropitious. But perhaps neither gain nor loss.
For us there is only the trying. The rest is not our business.

Actividades culturais en Lugo

Para obter máis información preme nas imaxes.

5ª Edición do Implícate

É unha boa forma de comezar o ano, máis información en http://implicadas.blogspot.com/

Parabéns á nosa compañeira Ilda!

Non queremos deixar que remate o ano sen felicitar a unha profesora do instituto que participou nun Certame convocado pola Consellería de Traballo e Benestar, a través da Dirección Xeral de Xuventude e Voluntariado, é o Certame Galego de Creadores Novos, Gzcrea 2009, na especialidade de relato breve. O 15 de decembro tivo lugar no Salón Teatro de Santiago a entrega de premios e Ilda Luaces Torre obtivo o 3º premio pola obra “Boca de pedra que lambes o mar”


E que estupenda ocasión a das vacacións de nadal para ler este relato, e se cadra tamén os outros premiados, pinchade AQUÍ para poder descargalos.

E no cotián... a poesía: Gioconda Belli

De Nicaragua chéganos a voz de Gioconda Belli. Perfecta candidata á nosa sección, pois toda a súa poesía nos fala do cotián, da vida diaria, do amor e da guerra, das relacións e do interior. Pero ademáis inserta a poesía na poesía, como no fragmento do poema que ofrecemos a continuación e que nos dá pé para tratar, quizá a semana que vén, a poesía de T.S. Eliot, poeta norteamericano que recibiu o premio Nobel de literatura o mesmo ano que naceu a autora que nos ocupa.

NIEVE Y FUEGO CON T.S. ELIOT

No sé cuántos años hace
que te leí a medianoche
a través de un walkie-talkie
los versos de los Cuatro Cuartetos de Eliot.
Estabas afuera
sentado sobre la nieve de la colina.
Mis ojos recorrían la página
deteniéndose en lo que revelaba algo
que vos o yo alguna vez hubiéramos pensado o querido pensar.
Algo que el poeta
pescando con su pluma en las aguas profundas del alma
sacara como un pez de colas y agallas blanquinegras
y blandiera sencillamente, sin aspavientos,
antes de volver a tirarlo a la noche,
al mar en silencio del libro cerrado.
[…]
La poesía continúa enunciando la absoluta verdad:
–El valor de la intención.
La lucha por recuperar lo que se ha perdido
lo que se perderá una y otra vez,
sin que, tal vez, se pierda o se gane.
La voluntad es lo que cuenta.
Lo demás no es asunto nuestro–.

Aínda podes inscribirte na Carreira Solidaria

Como é tradicional celebrarase o domingo anterior ao Nadal, o próximo 20, e arrincará por categorías a partir das 11:00 horas, abrindo a carreira os máis pequenos. A carreira absoluta comezará ás 12:00 horas. Aproveitando o tramo peonil da Ronda da Muralla, a saída instalarase neste punto en sentido a rúa Vilalba ata percorrer os 10 quilómetros que compoñen a carreira para os adultos e os percorridos de 300, 600, 1.000 e 1.500 metros para as categorías dos rapaces e rapazas.
Este ano vai a haber unha cuota de inscrición simbólica para os adultos co que se fará un donativo a UNICEF que destinará ao programa Gotas para Nixeria

O prazo de inscrición permanecerá aberto ata as 20:00 horas de hoxe, 16 de decembro, e pode formalizarse a través das páxinas web http://www.lugo.es/, http://www.elprogreso.es/, e http://www.championchipnorte.com/ ou ben persoalmente nas oficinas da Concellería de Deportes ou no diario El Progreso.

Busca do Tesouro en Lugo no Nadal

Trátase dunha actividade de ocio alternativo para a mocidade lucense que se celebra dende hai 7 edicións, organizada polo Concello de Lugo, desenvolverase os próximos 28 e 29 de decembro. O obxectivo é que os rapaces e rapazas se divirtan ao tempo que coñecen mellor a cidade e afondan na súa historia.
Nesta edición da Busca do Tesouro haberá dúas categorías de participantes: a Categoría A, que vai dende os 14 ata os 17 anos, e a Categoría B de 18 a 30 anos.
Os participantes estarán divididos en equipos integrados por 3 persoas, que teñen que superar o reto de descifrar diferentes pistas ata descubrir un tesouro agochado nalgún lugar da cidade.
As preguntas ás que deben respostar os equipos, poden ser consultadas nas bibliotecas públicas, empregando tanto libros coma internet. O rastrexo deberá realizarse camiñando, e todas as persoas integrantes do equipo terán que acudir xuntas ás pistas para que se lles facilite a seguinte.
Os gañadores do concurso recibirán os seguintes premios:
- Categoría A: de 14 a 17 anos
Primeiro premio: Ordenador portátil. Segundo premio: Cámara dixital. Terceiro premio: Mp4.
- Categoría B: de 18 a 30 anos
Primeiro premio: Viaxe a Tenerife. Segundo premio: Cámara dixital. Terceiro premio: Mp4.

O prazo de inscrición para participar remata o 18 de decembro ás 19:00 horas.
Para máis información pinchade AQUí

Publicamos o número 1 do noso boletín

Comeza hoxe a andar o boletín de información bibliográfica da biblioteca do IES Xoán Montes. Nel podedes atopar as últimas novidades recibidas, que recomendamos como lectura para estas vacacións. Ademáis podedes aproveitar o tempo para ir resolvendo os enigmas que propoñemos.

10 de decembro: Día Internacional dos Dereitos Humanos

O estado dos Dereitos Humanos a análise. Informe 2009

Xornadas de redes sociais e blogs en Lugo

A I Xornada de Redes Sociais e Blogs do Concello de Lugo terá lugar o vindeiro venres 11 de decembro no Centro de Empresas e Innovación.

A través de conferencias, unha mesa redonda, un obradoiro práctico e un acto de ocio perséguense fundamentalmente os seguintes obxectivos:

- Dar a coñecer o fenómeno blog e as webs participativas ao conxunto da sociedade.
- Fomentar a súa utilización en empresas, organizacións e institucións.
- Facilitar o primeiro encontro lucense entre autores de blogs coñecidos e redes sociais dando a coñecer esta forma de socialización.
- Reflexionar sobre os modelos de negocio en torno á Web 2.0 e dar a coñecer a capacidade emprendedora que se desenvolve na blogosfera.
Para inscribirte (é gratuito) e obter máis información pincha na imaxe.

Rematando o bicentenario de Poe

O 19 de xaneiro de 1809 nacía en Boston, Estados Unidos, Edgar Allan Poe. Daí que durante todo o presente ano 2009 se viñese celebrando o bicentenario do seu nacemento. Celebrouse asimesmo, o 7 de outubro, o 160 cabodano da súa morte.
É certo que este blog comezou a súa andadura dixital un pouco tarde para o bicentenario, máis non podiamos deixar rematar o ano sen unha mención especial deste influínte autor romántico. Da súa obra beben o simbolismo francés, a novela de detectives ou mesmo a subcultura gótica.
Na nosa biblioteca atopamos varios exemplares das súas obras narrativas máis coñecidas: o escarabello de ouro e o gato negro, tanto en inglés como en traducións ao galego e o castelán. Por outra banda, tamén é doado acceder á sua obra na rede, grazas, entre outros ao proxecto Gutenberg.
Mais para os que teñan menos tempo, e queiran só disfrutar dun bocadiño da obra de Poe, deixamos este poema composto para súa sogra en 1849:

To My Mother

Because I feel that, in the Heavens above,
The angels, whispering to one another,
Can find, among their burning terms of love,
None so devotional as that of "Mother,"
Therefore by that dear name I long have called you—
You who are more than mother unto me,
And fill my heart of hearts, where Death installed you,
In setting my Virginia's spirit free.
My mother—my own mother, who died early,
Was but the mother of myself; but you
Are mother to the one I loved so dearly,
And thus are dearer than the mother I knew
By that infinity with which my wife
Was dearer to my soul than its soul-life.

3 de decembro, Día Internacional das Persoas con Discapacidade

A Concelleira de Benestar Social e Igualdade presentou, xunto a representantes das 21 asociacións de persoas con discapacidade que colaboraron na organización, o programa deseñado polo Concello de Lugo para conmemorar o Día Internacional das Persoas con Discapacidade, que se celebra hoxe en todo o mundo.

Esta serie de actividades están destinadas a chamar a atención sobre a necesidade de garantir a consecución dos dereitos cidadáns en igualdade superando as barreiras mentais, ademais de concienciar dos obstáculos que atopan as persoas con discapacidade no mercado laboral, e difundir os esforzos destinados a superalas que levan a cabo os gobernos e as asociacións. Nesta ocasión fase especial fincapé na situación de desamparo que poden sufrir as persoas con discapacidade nunha situación económica como a que se está vivindo.
O programa de actividades Diversiarte desenvólvese entre os días 2 e 4 de decembro. Os actos arrincaron hoxe, coa inauguración do Mercadillo Solidario que se instalou no fondo da Praza Maior, que permanecerá aberto tamén os días 3 e 4 de decembro, entre as 11:30 e as 14:00 horas pola mañá, e de 17:00 a 20:30 horas pola tarde. No mercadillo venderanse obxectos que realizan os membros destas asociacións, que representan a colectivos con distintas discapacidades, e que están normalmente á venda. Poderanse comprar postais e todo tipo de obxectos solidarios, que se converten nunha boa opción como agasallos de Nadal. Cada asociación terá ademais o seu propio posto, no que ofrecerá información sobre o seu traballo.

O cartel anunciador destas xornadas foi elaborado por Down Lugo. O autor gañador, elaborou a súa obra co obxectivo de sensibilizar e promover a idea de que na diversidade é posible a igualdade. Os traballos presentados a este concurso de deseño gráfico serán expostos ata o 4 de decembro no Centro de Convivencia Maruja Mallo.

Máis información das actividades na páxina do Concello de Lugo, preme AQUÍ

Información da ONU e da Organización Mudial das Persoas con Discapacidad premendo nos enlaces.

Tras unha charla que houbo recentemente no instituto dunha voluntaria de COGAMI, algúns alumn@s escribiron artigos moi interesantes que poden lerse na páxina web do instituto.

BASES DO CONCURSO MATEMÁTICAS NA MÚSICA

A Biblioteca do IES Xoán Montes convoca un concurso entre o alumnado do centro para buscar cancións relacionadas coas Matemáticas de acordo ás seguintes bases:
1- Os participantes deben ser alumnos do IES Xoán Montes no ano escolar 2009/2010.
2- As cancións presentaranse da seguinte forma:
I)A canción grabada en CD, DVD ou indicando o enlace de internet a goear.com, youtube, etc.
II)Letra da canción en versión orixinal e traducida, se é o caso, a galego ou castelán.
III)O material que figura nos dous puntos anteriores introducirase nun sobre grande no que deberá figurar fóra o seudónimo do participante e o curso no que está (non o grupo). Dentro deste sobre grande ademáis introducirase outro sobre máis pequeno cos datos do participante (nome, apelidos, curso e grupo) e entregarase en secretaría.
3- O prazo de admisión pecharase o 30 de xaneiro de 2010.
4- O xurado estará composto polos profesores: Mª Beatriz López Soto, Mª Teresa Vázquez Cadavide e Manuel Veiga Díaz. O fallo será inapelable e emitirase o 15 de febreiro. O xurado pode declarar o premio deserto.
5- A canción gañadora publicarase no blog da biblioteca e todas as participantes na páxina do Departamento de Matemáticas.

PREMIO: Pendrive de 16 GB

José Emilio Pacheco, premio Cervantes

O premio Cervantes que anualmente convoca o Ministerio de Cultura recaeu este ano en José Emilio Pacheco, escritor mexicano que ao parecer resultou completamente sorprendido de recibir o premio, ata o punto de dicir que se sentía "patidifuso" ante o anuncio.

A pesar da sorpresa do autor, é doado comprender a valía do escritor con ler só unha pequena antoloxía da súa obra. A continuación reproducimos só un poema.

Presencia

¿Qué va a quedar de mí cuando me muera

sino esta llave ilesa de agonía,

estas pocas palabras con que el día,

dejó cenizas de su sombra fiera?

¿Qué va a quedar de mí cuando me hiera

esa daga final? Acaso mía

será la noche fúnebre y vacía

que vuelva a ser de pronto primavera.

No quedará el trabajo, ni la pena

de creer y de amar. El tiempo abierto,

semejante a los mares y al desierto,

ha de borrar de la confusa arena

todo lo que me salva o encadena.

Más si alguien vive yo estaré despierto.

1 de decembro, Día Mundial da Sida

No XXI aniversario do Día Mundial da Sida, cidadáns/as, institucións, organizacións e empresas temos unha oportunidade para prestar especial atención á epidemia do VIH.
En España, estímase que hai entre 120.000 e 150.000 persoas infectadas polo VIH. Moitas delas ven vulnerados os seus dereitos humanos ao ser estigmatizadas e discriminadas pola súa condición de seropositivas. Isto ademais é un gran obstáculo na prevención e o tratamento da infección por VIH. O medo, o rexeitamento e a ignorancia favorecen a súa expansión e fomentan falsas crenzas.
Este ano a campaña contra a sida fai fincapé na necesidade de acabar co estigma e a discriminación relacionados co VIH.
Estigma e Discriminación, a peor epidemia.

Detrás da sida hai moita vida!