30/12/10

O último día do ano tamén se corre!


Despois de pasar todo un ano correndo e competindo, chega o último día do ano. Último día, no que se supón, que a maioría da xente se atopa en compaña da súa familia.  Pero sempre hai algúns tolos que dedican o último día do ano a entrenar ou a competir no mundo do atletismo.
O día 31 de decembro é San Silvestre, por iso a maioría das competicións que se celebran ese día levan o nome de "San Silvestre". Unha das máis famosas do mundo é a San Silvestre Vallecana (celebrada en Madrid, cunha distancia total de 10 km). Pero en Galicia non nos quedamos atrás, e tamén podemos presumir de organizar algunhas San Silvestre, como por exemplo, as celebradas en A Coruña ou en Lugo.
En Lugo celébrase a 16ª Carreira Popular San Silvestre Club Fluvial, que terá lugar o venres día 31 de Decembro, organizada pola sección de atletismo do Club Fluvial. A saída da carreira terá lugar no Paseo Fluvial, preto do Pazo de Feiras e Exposicións ás 16:30.
Para os interesados, haberá trofeos para os tres primeiros clasificados de cada unha das categorías. Os corredores participantes no circuito das Carreiras Populares Larsa Corre con Nós 2010-2011 xa estarán inscritos para participar nesta proba e deberán levar o dorsal e o chip co que participan no circuito.
QUE MELLOR OPCIÓN QUE ACABAR O ANO CORRENDO?

22/12/10

NADAL 2010

BO NADAL A TOD@S

 
Moitas grazas a tod@s polo traballo e pola decoración.

21/12/10

"MATEMÁTICAS HOXE"


O profesor D. Juan Manuel Viaño Rey, catedrático de Matemática Aplicada na U.S.C., impartiu hoxe unha conferencia no noso centro á que asistiron os alumnos de 4º de E.S.O. e bacharelato. Nela aprendemos as moitas utilidades dos coñecementos matemáticos e as súas aplicacións en aspectos moi descoñecidos para a maioría da xente, como pode ser a resolución de problemas de medio ambiente, deseño de procesos industriais, predicións meteorolóxicas, formulación de modelos económicos e enterámonos que incluso os implantes dentais teñen que ver coas matemáticas.
Tamén resaltou o pouco visibles que son na nosa sociedade os matemáticos e os científicos en xeral, comparando a súa popularidade con personalidades destacadas do mundo da literatura, arte e deporte.
Foi unha conferencia amena, instructiva e sorprendente no seu contido para a maioría dos que estabamos alí.
Queremos manifestar o noso agradecemento, en particular da Vicedirección do centro e do Departamento de matemáticas, ao profesor Viaño pola súa deferencia ao vir ao noso instituto de xeito totalmente desinteresado.


PROGRAMA DO FESTIVAL DE NADAL 2010... o día 22 de decembro a partir das 9:30 h.

Presentado por Alba Mª Pereira e Christian Toimil.
-DANZA RIBADAVIA interpretada por Xosé Lois Chorén (gaita).
-ZÚMBALE, ZÚMBALE AL PANDERO interpretado por Cuarteto de vento máis percusión (Saxofón: Yolanda Sal, Fagot: María Losada, Trompeta: Laura Seijas, Trompa: Marta Salgado e Percusión: Yeray Pita).
-CAMPANITA DE LUGAR interpretado pol@s alumn@s de 2º da ESO (vocal e instrumental).
-NAVIDAD, NAVIDAD interpretado pol@s alumn@s de 3º da ESO (vocal e instrumental).
-TITANIC interpretada por María Pereira Blanco (piano).
-BENEDICAT VOBIS interpretada pol@s alumn@s de 4º da ESO e de 1º de BAC (vocal e instrumental).
-O BO REI WENCESLAO interpretado pol@s alumn@s de 4º da ESO e de 1º de BAC (vocal e instrumental).
-HIJO DE LA LUNA interpretada pol@s alumn@s de 4º da ESO e de 1º de BAC (vocal e instrumental).
-EU NON SEI interpretada pol@s alumn@s de 3º e 4º da ESO.
-EU NAMORAR interpretada pol@s alumn@s de 3º e 4º da ESO.
-AY LINDA AMIGA interpretada pol@s alumn@s de 3º e 4º da  ESO.
-CANCIÓN DE CUNA (BRAHMS) interpretada pol@s alumn@s de 3º e 4º da ESO.
-GATATUMBA interpretada pol@s alumn@s de 3º e 4º da ESO.
-ADESTE FIDELES interpretado pol@s alumn@s de 3º e 4º da ESO.
-NOCHE DE PAZ interpretado pol@s alumn@s de 3º e 4º da ESO.
-"CLUB-CAN HANDLE ME" baile feito pol@s alumn@s de 2º da ESO.
-JINGLE BELL ROCK interpretada pol@s alumn@s de 4º da ESO.
-JUSTIN BIEBER (BABY) baile feito polas alumnas de 1º da ESO.
-MONÓLOGO a cargo do alumno de 1º de BAC: Christian Toimil.
-SORTEO DE NADAL xentileza dos participantes na excursión de fin de curso de 4º da ESO. Levade un boli ou un lápis.

AGARDÁMOSVOS A TODOS!!

20/12/10

Tende unha man

Convencida de que a promoción da cultura da solidariedade e o espírito de compartir era importante para a loita contra a pobreza, a Asemblea Xeral da ONU proclamou o 20 de decembro como Día Internacional da Solidariedade Humana. O tema de este ano 2010 é: «Tender unha man aos nosos veciños» para pór de relevo o feito de que a pesar dos indicios alentadores de progreso no logro dos obxectivos de desenvolvemento do Milenio, seguen existindo profundas disparidades, entre os países e dentro deles.

Queremos facernos eco dunha campaña que está levando a cabo Médicos Sen Fronteiras. Grazas á colaboración e esforzo de gran  número de empresas, entidades e persoas, lograron obter a un prezo estraordinariamente axustado as "Pastillas contra a dor allea" . Véndense a só 1 euro (exclusivamente en farmacias) e comprando esta caixa de caramelos estás colaborando nunha campaña solidaria de axuda a enfermos esquecidos.
Os ingresos netos procedentes desta campaña destinaranse integramente a financiar proxectos de MSF sobre malaria, tuberculose, enfermidade do soño, kala tsar, SIDA pediátrica e Chagas.

Está é so unha das innumerables formas de colaborar tendendo unha man.
Máis información en MSF

18/12/10

Propostas para o Nadal

O Museo Provincial de Lugo, o Museo Provincial do Mar, o Museo Etnográfico San Paio de Narla e o do Pazo de Tor queren celebrar as festas do Nadal 2010 cun programa que pretende satisfacer a todos os que desexen achegarse aos museos sexa cal sexa a súa idade: obradoiros moi variados para aprender e gozar, pensados para os máis novos; exposicións, algunhas curiosas, sorprendentes, con temáticas moi diferentes; intervencións na exposicións permanentes que propoñen novos puntos de vista para ver os museos, concertos con instrumentos nada correntes, visitas guiadas, a revista oral “O pazo das musas” , xornadas interesantes e outras suxestións que teñen o obxectivo de complementar a tradicional emotividade destas datas.

Seguro que  atopas algunha actividade de interese, pincha AQUÍ e tamén AQUÍ para poder visualizar os programas.


Por outra banda, o Concello tamén presenta un programa con case medio centenar de actividades de lecer e ocio para o Nadal, desde exposicións ou musicais ata concertos ou representacións de teatro infantil, unha busca do tesouro con interesantes premios e a xa tradicional Feira de artesanía ArteNadal.
Non te quedes sen participar nalgunha das actividades, pincha AQUÍ  para poder visualizar os programas.

17/12/10

Fotos da exposición do centenario de Carvalho Calero e Miguel Hernández



Xa rematada a exposición, aquí tedes para o recordo unhas fotos do que foi. Moitas grazas aos que buscaron información, redactaron, corrixiron, ilustraron, fixeron os boletíns, compraron os cadriños buscando o mellor prezo e os colocaron. Vaia tamén o noso agradecemento para os que a visitaron, disfrutaron, explicaron, prestaron libros e material e, aos que amablemente se prestaron a ser fotografiados para poder poñer este post.

11/12/10

Marta Domínguez, a atleta que tiña namorado a un país


Marta Domínguez foi detida o pasado xoves pola Garda Civil pola súa vinculación a unha rede de dopaxe. É a  atleta da que probablemente menos se esperaba esta noticia. Atópamonos nunha situación na que o deporte é un dos máximos, por non decir o máximo expoñente no noso país, e non se poden permitir conductas deste tipo, xa que non soamente dañan ás persoas de élite que viven do deporte, senón que inflúen en persoas que adícanse ao deporte amateur.
Marta Domínguez (Palencia, 1975), a mellor atleta española de todos os tempos,  é considerada o principal referente do atletismo na última década. A palentina, mellor atleta nacional en 5 ocasións e Premio Nacional do deporte en 2009, ten un dos curriculums deportivos máis laureados do atletismo español.
Os seus primeiros pasos nisto do mundo do atletismo, antes de ter os 10 anos, foron na escola municipal de Venta de Baños, onde actualmente celébrase unha das probas de campo a través máis importantes de España. Apaixoada do fútbol, Marta decantouse polo atletismo, o deporte que a cautivou, chegando a ser a capitana da selección española de atletismo e vicepresidenta da federación (RFEA). Marta foi 39 veces internacional, entre elas puido conseguir ser campeona na proba de 3.000 obstáculos nos anteriores Xogos Olímpicos.
Pero agora a súa carreira  vese empañada, a atleta foi acusada pola distribución de substancias dopantes na denominada operación "galgo", da que finalmente saíu en liberdade con cargos.
Esta é unha das moitísmas noticias deste tipo que se levan dado no transcurso dos últimos anos no mundo do deporte, pero esperemos que ésta, a diferencia das outras, sexa a última. E non se supón que o deporte debe facerse UNICAMENTE POLO PURO PLACER DE FACELO?.

10/12/10

Mario Vargas LLosa recibe el Nobel de Literatura

La ceremonia del Nobel habla españolMario Vargas Llosa recibió esta tarde en Estocolmo el premio Nobel de Literatura. Reproducimos aquí el discurso que pronunció hace dos días en la Academia sueca y que tituló:
 
      Elogio de la lectura y la ficción 
"Aprendí a leer a los cinco años, en la clase del hermano Justiniano, en el Colegio de la Salle, en Cochabamba (Bolivia). Es la cosa más importante que me ha pasado en la vida. Casi setenta años después recuerdo con nitidez cómo esa magia, traducir las palabras de los libros en imágenes, enriqueció mi vida, rompiendo las barreras del tiempo y del espacio y permitiéndome viajar con el capitán Nemo veinte mil leguas de viaje submarino, luchar junto a d'Artagnan, Athos, Portos y Aramís contra las intrigas que amenazan a la Reina en los tiempos del sinuoso Richelieu, o arrastrarme por las entrañas de París, convertido en Jean Valjean, con el cuerpo inerte de Marius a cuestas".
Para seguir leyendo pincha aquí

Faite oír, pon fin á discriminación!



O Día dos Dereitos Humanos 2010, o 10 de decembro, recoñece o labor dos defensores dos dereitos humanos de todo o mundo que procuran pór fin á discriminación.


Máis información

5/12/10

Publicamos o número 5 do boletín

Agora que entramos en decembro e xa están perto as ansiadas vacacións, a biblioteca publica o número 5 do seu boletín de información bibliográfica. Neste número incluímos cinco libros dos últimos recibidos na biblioteca e de temática moi diversa: creatividade emprendedora, matemática, lendas do mundo clásico, química, deporte... Agardamos que disfrutedes da lectura destes libros e doutros moitos que iredes descubrindo se vos achegades á biblioteca.


II Concurso de curtametraxes relacionado coa doazón e os transplantes

4/12/10

O instituto en Galiciencia

Andrés Armesto Cortiña, alumno de 1º de BAC, acaba de participar en Galiciencia cun traballo no que reproduce en tres dimensións diversos monumentos galegos, e entre eles, o noso instituto. Segundo explica, o proceso iníciase tomando fotografías que logo axusta e adapta a un modelo en tres dimensións co obxectivo de que quede o máis realista posible. Despois os deseños remítense a Google Earth e, se son aceptados, inclúense nesta plataforma. Andrés xa ten colgados máis de 50 deseños, a maioría deles de Lugo, e algún de Ourense. 

2/12/10

Bases do concurso MATEMÁTICAS NA MÚSICA (2ª edición)

A Biblioteca do IES Xoán Montes convoca un concurso entre o alumnado do centro para buscar cancións relacionadas coas Matemáticas de acordo coas seguintes bases:
1- Os participantes deben ser alumnos do IES Xoán Montes no ano escolar 2010/2011
2- As cancións presentaranse da seguinte forma:
  • I) A canción grabada en CD, DVD ou indicando o enlace de internet a goear.com, youtube, etc.
  • II) Letra da canción en versión orixinal e traducida, se é o caso, a galego ou castelán  valorarase a calidade da tradución).
  • III) O material que figura nos dous puntos anteriores introducirase nun sobre grande no que deberá figurar fóra o seudónimo do participante e o curso no que está (non o grupo). Dentro deste sobre grande ademáis introducirase outro sobre máis pequeno cos datos do participante (nome, apelidos, curso e grupo) e entregarase en secretaría.
3- O prazo de admisión pecharase o 30 de xaneiro de 2011
4- O xurado estará composto polos profesores: Covadonga García-Losa Rodríguez, Mª Beatriz López Soto, Mª Teresa Vázquez Cadavide e Manuel Veiga Díaz. O fallo será inapelable e emitirase o 15 de febreiro. O xurado pode declarar o premio deserto.
5- A canción gañadora publicarase no blog da biblioteca e todas as participantes na páxina do Departamento de Matemáticas.
6- Quedan excluidas do concurso as cancións finalistas da edición anterior.

PREMIO: un pen drive de 16 GB.


1/12/10

Día Mundial da Loita contra a SIDA (1 de decembro)

O último informe do Programa Conxunto das Nacións Unidas sobre o VIH/sida, publicado o derradeiro 23 de novembro, mostra que a epidemia de sida está comenzando a estabilizarse, cun descenso significativo das novas infeccións e mortes relacionadas co VIH a nivel mundial. Sen embargo, os especialistas advirten que aínda que o número de novas infeccións por VIH sexa cada vez menor, por cada persoa que inicia o tratamento dúas contraen o virus, debido en gran parte a que as inversións en programas de prevención non son en conxunto adecuados ou distribúense deficientemente.
Sobre as novas infeccións dase a voz de alarma en sete países, a maioría en Europa oriental e Asia central, onde as novas infeccións por VIH aumentaron un vintecinco por cento.
Aínda así, desde ONUSIDA recoñecen que hai campos de prevención nos que se está a investir de forma correcta, como aqueles destinados a evitar que a nai con VIH transmita a enfermidade aos seus fillos. Respecto ao tratamento, o  informe constata que as persoas con VIH  viven máis tempo, e que as mortes relacionadas coa SIDA están descendendo grazas á ampliación do acceso ás terapias. En referencia ás relacións sexuais de risco na adolescencia, o documento resalta que entre os mozos dos quince países máis afectados pola epidemia, a tasa de novas infeccións descendeu un vintecinco por cento, xa que se están adoptando prácticas sexuais máis seguras.
Según o director executivo de ONUSIDA, Michel Sidibé: "Os investimentos na resposta á SIDA están dando os seus froitos, pero as ganancias son fráxiles. O reto é ver como podemos traballar para acelerar os progresos".
Para saber máis: http://www.unesco.org/aids

29/11/10

Á SOMBRA DA MURALLLA

ImageChef.com - Custom comment codes for MySpace, Hi5, Friendster and more
O pasado xoves tivo lugar a primeira reunión para poñer en marcha o número da revista do instituto correspondente ao curso actual; estiveron nela Antonino, Cristóbal, David e Diego Graña, Jonathan, Victoria e Marta, coa coordinación de Anxos. A convocatoria para tod@s os que queiran participar segue aberta. A vindeira reunión será o xoves 9 de decembro no departamento de Grego, 2º andar do instituto.

28/11/10

Enxeño e Deseño

Enxeño e Deseño é un concurso organizado por TECNUM, a Escola de Enxeñeiros da Universidade de Navarra. O seu obxectivo é fomentar a creatividade e o enxeño.
Para participar non hai requerimento específico algún, agás ter afición, gañas e ideas.
O concurso está dirixido a alumn@s de 1º e 2º de bacharelato. Os xóvenes en grupos de 3 participantes ou individualmente deben de orientar a súa creatividade e o seu enxeño cara a mellora dun produto deportivo ou tecnolóxico. A innovación pode atoparse dirixida a mellora da súa funcionalidade, ergonomía, seguridade, eficacia, fiabilidade, etc... do arttigo tecnolóxico ou deportivo. Valorarase a descrición da nova idea, tanto coma a do seu deseño.
TECNUM, con este concurso plantéxase varios obxectivos:
-Estimular a creatividade e o desenvolvemento das ideas entre os xóvenes.
-Fomentar o traballo en equipo e o emprego de técnicas de xeración de ideas.
-Fomentar o espírito crítico orientado cara a mellora de produtos e servizos.
-Fomentar o emprego de ferramentas informáticas de debuxo e ferramentas de Management.
-Ofrecer aos centros educativos un estímulo.

PARA VER AS BASES PREME AQUÍ

22/11/10

SEMANA POR UN MUNDO SEN VIOLENCIAS CONTRA AS MULLERES

A violencia contra as mulleres e as nenas constitúe a día de hoxe a violación  de dereitos humanos máis estendida. Adopta múltiples formas e ten lugar en moitos lugares: no fogar, na escola, no traballo... É importante remarcar que son diversas as violencias que se producen na vida das mulleres, desde as expresións de violencias verbais e sicolóxicas, pasando por o acoso laboral e no ámbito educativo, o abuso sexual por parte de parentes, violacións por descoñecidos, as mutilacións sexuais, esterilizacións forzadas, "crímenes de honor" e asasinato de mulleres e nenas polo feito de selo.
O día 25 de novembro conmemórase o Día Internacional contra a Violencia de Xénero; con tal motivo a Axencia Española de Cooperación Internacional para o Desenvolvemento (AECID) xunto con outros organismos e asociacións ven de presentar a campaña A TÚA VOZ CONTA, onde no vídeo que figura a continuación recóllense campañas de sensibilización contra a violencia de xénero en todo o mundo, pero especialmente nos países en desenvolvemento, nos que a cooperación española impulsa a súa erradicación.

Tu Voz Cuenta. Por un mundo sin violencias contra las mujeres from Tu Voz Cuenta on Vimeo.

20/11/10

Clubes de lectura "Estantigas 1 e 2"

Os clubes de lectura  botan a andar o vindeiro luns 22 de novembro. Reunímonos á hora do recreo na biblioteca ("Estantigas1") e na aula 19 ("Estantigas 2").
Lembrade que as lecturas son os contos O príncipe lagarto e Aladina pertencentes ao libro Contos de maxia, IV.

A seguinte reunión será o venres 3 de decembro.

"Voces na rúa", I Encontro de Corais de Lugo

Queres escoitar boa música?
PROGRAMA (do 22 ao 28 de novembro)

Luns 22

18:30-19:30 Cantar Delas (A)

19:30-20:30 Hospital Xeral de Lugo (B)

Martes 23

18:30-19:30 Polifónica de Xolda (A)

20:00-21:00 Orfeón Lucense (B)

Mércores 24

18:30-19:30 Coro do centro de maiores de Caixa Galicia “Novo Amencer” (A)

20:00-21:00 Coral Amigos do Camiño de Santiago (B)

Xoves 25

18:30-19:30 Conxunto vocal Lugh (A)

19:30-20:30 Orfeón Xoán Montes (A)

19:30-20:30 Coro de San Antonio (B)

Venres 26

18:30-19:30 Schola Gregoriana Lucensis (A)

19:30-20:30 Solo Voces (B)

Domingo 28

Xuntanza de todas as corais participantes no Círculo das Artes.


ITINERARIOS

A – Porta Nova – Bolaño Rivadeneira – San Marcos – Pr. Santo Domingo – Raíña – Pr. Soidade

B – Campo Castelo – Pr. Maior – Conde Pallares – Pr. Do Campo – Pr. Soidade

18/11/10

Centenario de Miguel Hernández e Ricardo Carvalho Calero

Mañá venres 19 de novembro inaugúrase a exposición que a biblioteca do IES Xoán Montes dedica á celebración do centenario de Ricardo Carvalho Calero e Miguel Hernández Giner, nados o 30 de outubro de 1910.
A exposición consta de 24 paneis realizados polo alumnado de 4º de ESO do instituto, os seus profesores Xosé Manuel González Pérez e Aurora San Emeterio Jaramillo e o equipo da biblioteca.
Ademais destes paneis nos que se analiza a vida e a obra dos escritores, a exposición complétase con exemplares de obras dos autores así como fotografías e artículos persoais cedidos especialmente para a ocasión polos profesores mencionados e por dona Margarita Carballo Ramos, profesora deste instituto e filla de Ricardo Carvalho Calero, a quen queremos manifestar especialmente a nosa gratitude.

GALICIA E AS CIENCIAS DO MAR

(Escrito polos alumnos de 4º de ESO, PDC)
O luns  15 de novembro, os alumnos de ESO asistimos na biblioteca do instituto a unha actividade científica do proxecto "Galicia e as ciencias do mar".
Aprendimos que as rías baixas galegas son moi fértiles grazas aos afloramentos. Un afloramento é un punto no que  as correntes de augas frías afloran á superficie traendo gran cantidade de plancto para todas as especies mariñas; por iso as nosas rías son tan ricas en peixe e marisco e as súas augas tan frías.
Cando se xuntan dúas masas de auga diferente, sempre, en todos os océanos, aumenta a produción de plancto, algas e peixe.
Vimos un experimento de como se mesturan as augas quentes e doces dos ríos e as augas frías e salgadas do mar. Na desembocadura dos ríos a auga quente dispérsase sobre a auga fría do mar. A auga doce e quente é menos densa e flota.

16/11/10

"Leonardo da Vinci e a Música" en Lugo

A cidade de Lugo acolle por primeira vez en Galicia a mostra internacional Leonardo da Vinci e a Música, unha exposición na que se recolle a relación do xenio italiano coa música tras un pioneiro e profundo traballo de investigación sobre os seus manuscritos. Da man desta exitosa proposta cultural, o Centro de Artesanía e Deseño celebra o seu décimo quinto aniversario.
A exposición componse de dous manuscritos correspondentes ao período de madurez do artista -finais do século XV e principios do XVI-, que recollen debuxos, bosquexos, notas e unha lista de 116 libros que formaban parte dos fondos da súa biblioteca.

Para chegar ao resultado final do material que agora se exhibe, expertos de todo o mundo tiveron que estudar, previamente, este traballo durante anos. O resultado, é unha exposición que mostra a dimensión creativa de Leonardo e a súa relación coa música dunha forma científica e lúdica, así como vinte instrumentos realizados de acordo cos seus manuscritos.

A exposición situarase na Capela de Santa María e no Centro de Artesanía, de luns a venres de 10.30 a 14.00 horas e de 17.00 a 20.00, os sábados so pola tarde e os domingos e festivos de 11.00 a 14.00. Poderase visitar ata o 31 de xaneiro.

Concurso "Historias da Lingua"


15/11/10

15 de Novembro, Día Mundial sen alcohol

O 15 de novembro conmemórase o día sen alcohol, declarado de interese sanitario pola Consellería de Sanidade. O impacto social dos problemas relacionados co alcohol esixe unha resposta para a prevención e a axuda aos máis afectados por estes problemas. O Día Mundial sen alcohol supón un estímulo para a reflexión, desde todas as instancias, sobre o alcohol e as súas consecuencias.
A celebración deste día tenta seguir tres liñas básicas de actuación:
-Acadar unha menor presenza de publicidade de alcohol na vía pública.
-Conseguir que haxa unha menor disponibilidade de alcohol para os menores de idade.
-Impulsar un cambio na percepción social sobre o consumo abusivo de alcohol, tan aceptado nestes momentos.
Este compromiso, no que todos debemos participar, pretende acadar a redución das consecuencias negativas do abuso do alcohol, pois todos podemos ser vítimas delas, directa ou indirectamente.

13/11/10

A CIENCIA NA BIBLIOTECA

O vindeiro luns a nosa biblioteca mostra unha cara pouco habitual nela. Deixa os libros nos andeis e aparta as mesas de estudo para converterse en escenario de experimentos científicos.
O Dr. Octo e a Dra. Medusa achégannos experimentos do proxecto "Galicia e as ciencias do mar" que ven de pór en marcha o Centro Tecnolóxico do Mar-Fundación CETMAR.
Se queredes ir vendo o laboratorio da Dra. Medusa e participar nos seus experimentos interactivos ir a: http://www.galiciaeascienciasdomar.org/



12/11/10

Recursos on-line co carné da biblioteca

Sabedes as posibilidades que temos grazas ao noso carnet de biblioteca escolar e o programa MEIGA? Se neste blog pinchamos na dereita no apartado de Catálogo da biblioteca aparece unha ventá na que podemos seleccionar, na esquerda, Recursos electrónicos, entón veremos unha xanela como esta:


Podemos pinchar en calquera recurso que nos interese (e_Junior.net, Enciclonet, Ocenet Saber, Dicionario Akal del Antiguo Egipto,  Dicionario Akal de filosofía Hemeroteca dixital,...) e apareceranos un cadro para que cubramos:

Código usuario______ (é o número do carné da biblioteca)

Contrasinal: ________ (o noso primeiro apelido tal e como aparece no carné da biblioteca)

Unha vez cubertos os datos faremos click en Acepta

Desta maneira poderemos ter acceso a páxinas de consulta on-line moi interesantes de xeito gratuito.

11/11/10

Festa do año

[escrito por Sohail Anwar & Said Bouchaib Chafil]

O día 16 ou 17 de novembro os musulmáns celebramos a Festa do Año ou Festa Grande ( عيد الكبير/عيد لآدحا). Nesta festa sacrifícanse años para conmemorar o sacrificio de Isaac a mans de Abraham.
É a festa máis grande para todos os musulmáns, non importa a súa nacionalidade. Todo o mundo vai á mesquita para orar.  Decimos que Alá é o máis grande e que se sacrifican años. Despois da oración, a famila reúnese na casa e sacrifícase o año. De todos modos, para unha familia grande, un año non é suficiente, moitos sacrifican tamén vacas.

5/11/10

Participación nas actividades en prol do Cooperativismo

Este ano volvemos participar nas actividades organizadas polo Concello. O alumnado de 3º e 4º de  ESO da materia Obradoiro de Iniciativas Emprendedoras acudiu ás Xornadas de Cooperativismo no CEI- nodus o 19 de outubro, o de 2º de bacharelato de Economía da Empresa disfrutou o día 22 dunha visita didáctica moi interesante a Coren (a fábrica de pensos de Outeiro de Rei) e @s alumn@s de Economía de 1º de bacharelato coñeceron o día 26 o Centro de Divulgación do Queixo e o Mel de Arzúa e a cooperativa Erica mel.
Por último, esta mesma semana houbo unha pequena degustación de produtos das cooperativas.
Quedamos satisfeitos da experiencia e agradecemos a todas as persoas que nos atenderon a súa amabilidade. Sabedes que algúns foron alumnos do centro? A eles especialmente van as nosas grazas.


 

31/10/10

Halloween ou Samhaín?

Que é o Samhaín?
A antiga festividade céltica do Samhaín foi habitualmente descrita como unha comuñón cos espíritos dos defuntos que, especialmente nas datas do 31 de outubro e o 1 de novembro,  terían autorización para camiñar entre os vivos. Abríanse as portas entre este mundo e o máis alá, dándolle á xente a posibilidade de reunirse cos seus antepasados mortos.
A festa do Samhaín, a máis importante do período precristián, marcaba para os celtas o comezo dun novo ano.
Polo Samhaín era costume baleirar nabos de gran tamaño, posteriormente cabazas, para poñerlles dentro velas. Varios séculos despois esta tradición, que se mantén aínda nalgúns lugares de Galiza, como é o caso de Cedeira,  ten continuidade nas festas de Halloween, unha adaptación do Samhaín á cultura estadounidense e que é semellante ao entroido. A celebración foi levada aos Estados Unidos de América polos irlandeses no século XIX e comezos do século XX.



E o Halloween, que é o Halloween?
Halloween ou noite de bruxas é unha festa que se celebra principalmente en Estados Unidos na noite do 31 de outubro. Ten as súas orixes na festividade celta do Samhaín e da festividade cristiá do Día de Tódolos Santos. Celébrase nos paises anglosaxóns, principalmente en Canadá, Estados Unidos, Irlanda e Reino Unido. A forza expansiva da cultura de EE.UU fixo que Halloween se popularizara tamén entre outros paises occidentais.
Este día asóciase a miúdo coas cores laranxa e negro e atópase fortemente ligado a símbolos como a  Jack-o'-lantern. As actividades típicas de Halloween son o famoso "truco ou trato", as festas de disfraces, as fogueiras, a visita a casas enfeitizadas, as bromas, a lectura de historias de medo e o visionado de películas de terror.

30/10/10

E no cotián... a poesía: Miguel Hernández (1910-1942)

No día do centenario do nacemento de Miguel Hernández queremos deixar un breve poema do seu libro Perito en lunas (1933), pequena mostra do seu labor poético:


Copla

La cantidad de mundos
que con los ojos abres,
que cierras con los brazos.
La cantidad de mundos
que con los ojos cierras,
que con los brazos abres.

E no cotián... a poesía: Ricardo Carvalho Calero (1910-1990)

Celebramos hoxe o centenario do nacemento de Ricardo Carvalho Calero. Quizá máis coñecido polo seu labor de profesor e ensaísta, a súa obra poética é tamén extensa, contando case unha decena de libros de poesía en galego e dous en castelán. Escollemos hoxe un poema do seu libro Cantigas de amigo e outros poemas (1980-1985):

Calquer lugar é bom para morrer.
Nom se distingue o home da mulher.
A morte é neutra —das Tod— em alemám.
Género e sexo nom sempre vam da mam.
Pois umha cousa é a anatomia
e outra a gramática —falaz dicotomia.
Nom vejo a morte feminista ser.
Calquer lugar é bom para morrer.

Donas do tempo passado ou do actual,
a morte a todas trata-vos igual
que aos cavaleiros. Violenta, a história o di.
Muitas mulheres morrerom assi.
Em Rouen foi Joana d'Arco queimada;
Antoinette em Paris guilhotinada;
Em Chappaquiddick, Jo foi perecer.
Calquer lugar é bom para morrer.

Eis umha flor para o lume e o mar,
a praça, o paço ou calquer lugar
onde a mulher tenha o seu passamento.
Erga-se a rosa sobre o moimento.
Nesta matéria nom é discriminada.
Inês ferida, Mariana agarrotada,
Mary Jo sulagada, Jeanne a arder.
Calquer lugar é bom para morrer.

Centenario de Miguel Hernández e Ricardo Carvalho Calero



Proximamente terá lugar unha exposición adicada aos dous escritores dos que conmemoramos hoxe o centenario do seu nacemento.

26/10/10

Concurso esdelibro.es

Se es orixinal es de libro é un concurso de traballos orixinais de investigación, desenvolvidos por estudantes, sobre un tema do seu interese: música, ciencia, literatura, arte, natureza, historia, cine, deportes, filosofía e pensamento, tecnoloxías, matemáticas... Os traballos poderanse presentar a concurso en todas as linguas oficiais de España. Está dirixido a estudantes e docentes de ESO, bacharelato e ciclos formativos de Grao Medio de todas as comunidades autónomas. Deben ser realizados en grupo (un mínimo de dous e un máximo de catro estudantes) e sempre deberán ser coordinados por un profesor.
Haberá premios para estudantes, docentes e centros educativos, establécense para estudantes nove premios: tres para os mellores traballos de primeiro ciclo de ESO, tres para os mellores traballos de segundo ciclo de ESO e tres para os mellores traballos de bacharelato e ciclos formativos de Grao Medio.
Prazo de inscrición: 15 de setembro do 2010 a 1 de febreiro do 2011.
Prazo de envío de traballos: 30 de marzo do 2011.
Decisión do xurado: maio do 2011.
Se logras que a túa creación sexa orixinal e respecte todas as normas de propiedade intelectual (Pensa en ©!), poderás gañar un premio, incluso so por presentalo.
Mira as bases e concursa! (pincha na imaxe)

24/10/10

24 de outubro, Día da Biblioteca

Hoxe celébrase o Día da Biblioteca. A súa presenza nos centros escolares é unha fonte de recursos tanto impresos como electrónicos. Non debemos pensar nela como un almacén de libros, é un lugar de encontro, aprendizaxe e diversión, onde podemos compartir as nosas experiencias lectoras. Neste día animámosvos a visitala e coñecela, e tamén queremos saber a vosa opinión sobre os cambios que estamos a facer nela. Pronto contaremos cunha sección dedicada ás novidades que van chegando, e no blog poderedes contar as vosas impresións sobre as lecturas que estades a facer.

18/10/10

Convocatoria do Club de Lectura



Ven a coñecernos.
Podes vivir con nós grandes aventuras, rir, chorar, ter medo, explorar, ser outra persoa, coñecer outros mundos...todo cabe nos libros.


Esperámoste o xoves día 21 de outubro na biblioteca á hora do recreo.

I Concurso do Día da ciencia en Galego

Co gallo da celebración da Semana e o Día da Ciencia en Galego e co obxectivo de fomentar o interese do alumnado por aquelas figuras históricas relacionadas con Galicia e a Ciencia, o IES Xoán Montes convoca o I Concurso do Día da ciencia en Galego, que estará adicado á figura de Alfonso X o Sabio, gran poeta en lingua galega e un dos científicos universais pola súa contribución ao progreso da ciencia europea.
O concurso vai dirixido a todo o alumnado do noso Centro repartido en tres categorías ( 1º ciclo da ESO, 2º ciclo da ESO e BAC). Os traballos poderán ser presentados en calquera formato (texto divulgativo, narración, cómic, debuxo, mural...) e versarán sobre a figura de Alfonso X e os seus colaboradores (tradutores e científicos das Escolas creadas por el que serán modelo de integración das culturas medievais da Península Ibérica: cristiá, xudía e musulmá).
Establécese un premio para cada un dos gañadores nas distintas categorías e o fallo do xurado farase público nos días anteriores á celebración do Día da Ciencia o 4 de novembro, día no que se realizará a entrega de premios.
     A data límite de entrega de traballos é o día 29 de outubro

Todos os traballos presentados formarán parte dunha exposición conmemorativa da Semana da Ciencia.
O material presentado introducirase nun sobre grande no que deberá figurar fóra o seudónimo do participante e o curso no que está (non o grupo). Dentro deste sobre grande ademáis introducirase outro sobre máis pequeno cos datos do participante (nome, apelidos, curso e grupo) e entregarase en secretaría.

17/10/10

E no cotián... a poesía: Malena Mörling



Nada en Suecia en 1965, Malena Mörling é profesora de creatividade literaria na Universidade de Carolina do Norte Wilmington e profesora de poesía noutras institucións universitarias. Ademáis traduce a obra de poetas suecos ao inglés e recibiu múltiples premios e mencións. Publicou Ocean Avenue en 1999 e Astoria en 2006. Ofrecemos un dos poemas incluídos no primeiro libro:


ASHES
Now the person you loved
the most in your whole life
Now the body
that held you
all night in bed
Now the arms
and the hands
Now the face that slept
against yours
the breath that moved
in and out of your mouth
Now the bright eyes
the forehead
the entire body
is lighter
than the flurries
that appear
out of nowhere

15/10/10

Concurso "Reporteiros na rede"

A Obra Social de Ibercaja, interesada no desenvolvemento do coñecemento a través de programas sociais que contribúan á transformación da sociedade, convoca o 11° Concurso Reporteiros na rede -Xornalismo científico online- de ámbito nacional, co fin de fomentar o interese dos estudantes pola ciencia e a tecnoloxía.
Poderán participar todos os estudantes de centros educativos españois (sendo a idade límite 20 anos) ben individualmente ou en grupo de dous alumnos e coordinados por un profesor.
Os participantes realizarán un artigo de divulgación científica sobre un tema de actualidade e utilizando exclusivamente a información dispoñible en Internet.

Con motivo do Ano Internacional da Química, valoraranse de xeito especial aqueles artigos que traten a química como unha ciencia creativa esencial para mellorar a sustentabilidade dos nosos modos de vida e para resolver os problemas globais e esenciais da Humanidade, como a alimentación, a auga, a saúde, a enerxía ou o transporte.
O artigo, de redacción orixinal do alumno e inédito, non poderá exceder as mil cincocentas palabras e irá acompañado dunha listaxe das fontes de información consultadas.
A inscripción é do 4 de outubro de 2010 ao 29 de xaneiro de 2011 cumprimentando o formulario da web, finaliza o prazo de entrega dos artigos o 25 de marzo de 2011.

Consulta as bases, os premios, os consellos para redactar un artigo científico, simulaciones informáticas de ciencia e tecnoloxía e moitas cousas máis no Laboratorio Virtual de Ibercaja.

10/10/10

Queremos SaudArte 2010

O Grupo de Investigación de Medicina Preventiva e Saúde Pública (MP1) e a Unidade de Cultura Científica da Universidade de Vigo, coa financiación da Fundación Española para la Ciencia y la Tecnología (FECYT), e en colaboración coa Asociación Galega de Educación para a Saúde, co colectivo Medicina e Arte en Galicia, con Boek 861 e con Psicotrex, convocan un certame de arte postal coa saúde e a arte como fío condutor.
Poden participar todas as persoas que o desexen (de calquera idade e parte do mundo) nesta convocatoria, enviando obras, de xeito individual ou colectivo, a través do correo postal ou electrónico. A data límite de envio é o 31 de outubro do 2010.
Preme aquí para ver as bases do concurso.

5/10/10

5 DE OUTUBRO...Día Mundial dos Profesores


Hoxe, 5 de outubro, celébrase o Día Mundial dos Profesores, unha ocasión para que os nenos, familias e profesionais doutros sectores reflexionen sobre esta profesión. Dicía William Arthur Ward que “o mestre mediocre fala, o bo mestre explica, o mestre excelente demostra, e o mellor mestre inspira”.

Os profesores cumpren unha función esencial na sociedade: ensinar. Ademais, a medida que pasan os anos, van asumindo o reto de educar, dado que moitas familias delegan esta tarefa na escola. O traballo de mestres e profesores é fundamental para o desenvolvemento da nosa sociedade.

Do profesor depende a aprendizaxe dos menores e dos maiores e, polo tanto, o futuro. Un bo profesor formará bos mecánicos, escritores, enxeñeiros, músicos… Logrará que os mozos e mozas sintan ilusión polos estudos e queiran medrar como persoas. Por iso, polo papel tan importante que teñen estes profesionais, hai que mimalos un pouco.

Algunha das reivindicacións neste Día Mundial dos Profesores é lograr un entorno de traballo decente.

Noraboa, profesores, polo voso labor educativo e a seguir adiante.



4/10/10

O IES Xoán Montes na tele

Hoxe moit@s asombrámonos ao ver o IES Xoán Montes na televisión, houbo algúns que non puideron escoitar o que dicían, investigamos o tema e resulta que como é o Día Mundial da Arquitectura, púxose como mostra este edificio singular, do arquitecto Eloy Maquieira Fernández, o principal representante do racionalismo arquitectónico na cidade de Lugo. A súa obra comezou no 1934, rematando despois da guerra civil española.
O racionalismo nace na segunda mitade do século XX, despois do historicismo e do modernismo, e destaca pola concepción do espazo arquitectónico, que é dinámica, predominan as formas xeométricas simples así como o uso de novos materiais como o formigón en lugar de pedra e o revocado en cor.
Agora xa sabemos algo máis, non?
Se queredes ver a noticia aquí tedes o telexornal, dos 25 minutos aproximados que dura está no 18:36.

Telexornal. Informativo territorial de Galicia. (04/10/10).


PÁSATE POLO PUNTO DE LECTURA!



A partir de hoxe día 4 de outubro, volve a funcionar o punto de lectura no corredor de entrada do instituto. Recordade que é un punto de libre acceso durante os tempos de lecer, polo que o alumnado pode facer uso do material neses momentos da xornada; non esquezades recolocalo despois de utilizalo e, se queredes levalo prestado, acudide á biblioteca para que rexistren o préstamo.


Esperamos que as lecturas sexan do voso agrado e, se botades algo en falta, facédenolo saber, utilizando o buzón de suxestións ou dirixíndovos ao profesorado que atende a biblioteca.




3/10/10

SAN FROILÁN

O outono na cidade de Lugo é recibido coa algarabía das festas máis populares e concorridas de toda Galicia: o San Froilán. Esta celebración, unida aos atractivos desta cidade bimilenaria, constitúe un motivo máis que interesante para visitar a cidade entre o 4 e o 12 de outubro. Durante estes oito días os lucenses, e o máis do medio millón de visitantes que acoden habitualmente ás festas, enchen as rúas de Lugo, que viste coas súas mellores galas a marabillosa zona antiga, a emblemática Muralla romana e o paraíso botánico que é o Parque de Rosalía, pois son os centros neurálxicos das actividades festivas.

PARA VER O PROGRAMA COMPLETO DAS FESTAS PREME AQUÍ.

2/10/10

Becas High School para estudantes de 4º de ESO

A Fundación Pedro Barrié de la Maza e a Fundación Amancio Ortega, no seu afán por mellorar o ensino e o nivel de preparación dos novos estudantes de Galicia, decidiron de común acordo elaborar un programa de bolsas para aqueles alumnos que desexen cursar un ano académico nun instituto de ensino público, High School, de Estados Unidos.


@s alumn@s que desexen participar no programa de bolsas deberán ser alumn@s de 4º de Educación Secundaria Obrigatoria (ESO) nun Centro de Ensino en Galicia, ter como mínimo unha media académica de 7,5 puntos no curso escolar anterior á solicitude, certificado polo Centro de Ensino, e a cualificación da materia de inglés dese curso (3º de ESO) deberá ser como mínimo de 7 puntos.
O prazo de presentación de solicitudes manterase aberto dende o 1 de outubro ata o 15 de novembro de 2010, e hai nesta convocatoria 75 prazas.

Pincha na imaxe para obter máis información.

26/9/10

26 DE SETEMBRO, Día Europeo das Linguas

No ano 2001 a Comisión Europea e o Consello de Europa lanzaron conxuntamente a iniciativa do Ano Europeo das Linguas, que se celebrou aquel ano, pero a súa pegada renóvase cada ano co Día Europeo das Linguas, que ten lugar o día 26 de setembro.
Os obxectivos do Día Europeo das Linguas, son os seguintes: subliñar a importancia de aprender linguas, incrementar o coñecemento e a conciencia do valor que teñen as linguas e motivar a aprendizaxe continua das linguas ao longo de toda a vida. Trátase así, ao fin e ao cabo, de celebrar a diversidade lingüística e cultural en Europa.

O Concello de Lugo tamén celebra este día organizando unha xornada de portas abertas na Casa das Linguas o vindeiro luns 27 de setembro, con diferentes actividades en francés e inglés adaptadas a todas as idades: proxección de debuxos animados en inglés para os pequenos xunto con actividades lúdicas, unha obra de teatro ás 18.30, cine para o público novo e para rematar, proxeccións de diferentes documentais sobre Europa en inglés, francés e español.
Para máis información preme AQUÍ

19/9/10

Grazas!



Fixástesvos na nova decoración do punto de lectura? O curso que acabou, os alumn@s que estaban en 1º de ESO, daquela eran os novatos, fixéronnos uns preciosos paxaros que animan ese espazo que non hai moito estreamos. Queremos darlles as grazas a todos eles e á súa profesora Ilda Luaces Torre, que tan amablemente apoiou a iniciativa, e interviu activamente en gran número de propostas como o festival de fin de curso, mágoa que este curso non siga connosco, desexámoslle moita sorte.


Aproveitamos para animarvos a visitar o punto de lectura e facernos chegar as vosas ideas de mellora, a participar nas actividades e a seguir sendo parte fundamental da biblioteca.
E reiteramos aos veteráns que xa están en 2º da ESO as


18/9/10

EMPEZA UN NOVO CURSO

Xa estamos aquí un curso máis, uns con ilusión, outros con curiosidade e pode que tamén algún un pouco a remolque. Desde este blog animamos a tod@s a participar nas actividade da biblioteca. Pronto nos poñeremos en contacto con vós. Mentres, un saúdo e