28/12/09

5ª Edición do Implícate


É unha boa forma de comezar o ano, máis información en http://implicadas.blogspot.com/

22/12/09

Parabéns á nosa compañeira Ilda!



Non queremos deixar que remate o ano sen felicitar a unha profesora do instituto que participou nun Certame convocado pola Consellería de Traballo e Benestar, a través da Dirección Xeral de Xuventude e Voluntariado, é o Certame Galego de Creadores Novos, Gzcrea 2009, na especialidade de relato breve. O 15 de decembro tivo lugar no Salón Teatro de Santiago a entrega de premios e Ilda Luaces Torre obtivo o 3º premio pola obra “Boca de pedra que lambes o mar”


E que estupenda ocasión a das vacacións de nadal para ler este relato, e se cadra tamén os outros premiados, pinchade AQUÍ para poder descargalos.

21/12/09

E no cotián... a poesía: Gioconda Belli


De Nicaragua chéganos a voz de Gioconda Belli. Perfecta candidata á nosa sección, pois toda a súa poesía nos fala do cotián, da vida diaria, do amor e da guerra, das relacións e do interior. Pero ademáis inserta a poesía na poesía, como no fragmento do poema que ofrecemos a continuación e que nos dá pé para tratar, quizá a semana que vén, a poesía de T.S. Eliot, poeta norteamericano que recibiu o premio Nobel de literatura o mesmo ano que naceu a autora que nos ocupa.

NIEVE Y FUEGO CON T.S. ELIOT

No sé cuántos años hace
que te leí a medianoche
a través de un walkie-talkie
los versos de los Cuatro Cuartetos de Eliot.
Estabas afuera
sentado sobre la nieve de la colina.
Mis ojos recorrían la página
deteniéndose en lo que revelaba algo
que vos o yo alguna vez hubiéramos pensado o querido pensar.
Algo que el poeta
pescando con su pluma en las aguas profundas del alma
sacara como un pez de colas y agallas blanquinegras
y blandiera sencillamente, sin aspavientos,
antes de volver a tirarlo a la noche,
al mar en silencio del libro cerrado.
[…]
La poesía continúa enunciando la absoluta verdad:
–El valor de la intención.
La lucha por recuperar lo que se ha perdido
lo que se perderá una y otra vez,
sin que, tal vez, se pierda o se gane.
La voluntad es lo que cuenta.
Lo demás no es asunto nuestro–.


16/12/09

Aínda podes inscribirte na Carreira Solidaria


Como é tradicional celebrarase o domingo anterior ao Nadal, o próximo 20, e arrincará por categorías a partir das 11:00 horas, abrindo a carreira os máis pequenos. A carreira absoluta comezará ás 12:00 horas. Aproveitando o tramo peonil da Ronda da Muralla, a saída instalarase neste punto en sentido a rúa Vilalba ata percorrer os 10 quilómetros que compoñen a carreira para os adultos e os percorridos de 300, 600, 1.000 e 1.500 metros para as categorías dos rapaces e rapazas.
Este ano vai a haber unha cuota de inscrición simbólica para os adultos co que se fará un donativo a UNICEF que destinará ao programa Gotas para Nixeria

O prazo de inscrición permanecerá aberto ata as 20:00 horas de hoxe, 16 de decembro, e pode formalizarse a través das páxinas web http://www.lugo.es/, http://www.elprogreso.es/, e http://www.championchipnorte.com/ ou ben persoalmente nas oficinas da Concellería de Deportes ou no diario El Progreso.

Busca do Tesouro en Lugo no Nadal



Trátase dunha actividade de ocio alternativo para a mocidade lucense que se celebra dende hai 7 edicións, organizada polo Concello de Lugo, desenvolverase os próximos 28 e 29 de decembro. O obxectivo é que os rapaces e rapazas se divirtan ao tempo que coñecen mellor a cidade e afondan na súa historia.
Nesta edición da Busca do Tesouro haberá dúas categorías de participantes: a Categoría A, que vai dende os 14 ata os 17 anos, e a Categoría B de 18 a 30 anos.
Os participantes estarán divididos en equipos integrados por 3 persoas, que teñen que superar o reto de descifrar diferentes pistas ata descubrir un tesouro agochado nalgún lugar da cidade.
As preguntas ás que deben respostar os equipos, poden ser consultadas nas bibliotecas públicas, empregando tanto libros coma internet. O rastrexo deberá realizarse camiñando, e todas as persoas integrantes do equipo terán que acudir xuntas ás pistas para que se lles facilite a seguinte.
Os gañadores do concurso recibirán os seguintes premios:
- Categoría A: de 14 a 17 anos
Primeiro premio: Ordenador portátil. Segundo premio: Cámara dixital. Terceiro premio: Mp4.
- Categoría B: de 18 a 30 anos
Primeiro premio: Viaxe a Tenerife. Segundo premio: Cámara dixital. Terceiro premio: Mp4.

O prazo de inscrición para participar remata o 18 de decembro ás 19:00 horas.
Para máis información pinchade AQUí

15/12/09

Publicamos o número 1 do noso boletín

Comeza hoxe a andar o boletín de información bibliográfica da biblioteca do IES Xoán Montes. Nel podedes atopar as últimas novidades recibidas, que recomendamos como lectura para estas vacacións. Ademáis podedes aproveitar o tempo para ir resolvendo os enigmas que propoñemos.



8/12/09

Xornadas de redes sociais e blogs en Lugo


A I Xornada de Redes Sociais e Blogs do Concello de Lugo terá lugar o vindeiro venres 11 de decembro no Centro de Empresas e Innovación.

A través de conferencias, unha mesa redonda, un obradoiro práctico e un acto de ocio perséguense fundamentalmente os seguintes obxectivos:

- Dar a coñecer o fenómeno blog e as webs participativas ao conxunto da sociedade.
- Fomentar a súa utilización en empresas, organizacións e institucións.
- Facilitar o primeiro encontro lucense entre autores de blogs coñecidos e redes sociais dando a coñecer esta forma de socialización.
- Reflexionar sobre os modelos de negocio en torno á Web 2.0 e dar a coñecer a capacidade emprendedora que se desenvolve na blogosfera.
Para inscribirte (é gratuito) e obter máis información pincha na imaxe.

4/12/09

Rematando o bicentenario de Poe


O 19 de xaneiro de 1809 nacía en Boston, Estados Unidos, Edgar Allan Poe. Daí que durante todo o presente ano 2009 se viñese celebrando o bicentenario do seu nacemento. Celebrouse asimesmo, o 7 de outubro, o 160 cabodano da súa morte.
É certo que este blog comezou a súa andadura dixital un pouco tarde para o bicentenario, máis non podiamos deixar rematar o ano sen unha mención especial deste influínte autor romántico. Da súa obra beben o simbolismo francés, a novela de detectives ou mesmo a subcultura gótica.
Na nosa biblioteca atopamos varios exemplares das súas obras narrativas máis coñecidas: o escarabello de ouro e o gato negro, tanto en inglés como en traducións ao galego e o castelán. Por outra banda, tamén é doado acceder á sua obra na rede, grazas, entre outros ao proxecto Gutenberg.
Mais para os que teñan menos tempo, e queiran só disfrutar dun bocadiño da obra de Poe, deixamos este poema composto para súa sogra en 1849:

To My Mother


Because I feel that, in the Heavens above,
The angels, whispering to one another,
Can find, among their burning terms of love,
None so devotional as that of "Mother,"
Therefore by that dear name I long have called you—
You who are more than mother unto me,
And fill my heart of hearts, where Death installed you,
In setting my Virginia's spirit free.
My mother—my own mother, who died early,
Was but the mother of myself; but you
Are mother to the one I loved so dearly,
And thus are dearer than the mother I knew
By that infinity with which my wife
Was dearer to my soul than its soul-life.


2/12/09

3 de decembro, Día Internacional das Persoas con Discapacidade


A Concelleira de Benestar Social e Igualdade presentou, xunto a representantes das 21 asociacións de persoas con discapacidade que colaboraron na organización, o programa deseñado polo Concello de Lugo para conmemorar o Día Internacional das Persoas con Discapacidade, que se celebra hoxe en todo o mundo.

Esta serie de actividades están destinadas a chamar a atención sobre a necesidade de garantir a consecución dos dereitos cidadáns en igualdade superando as barreiras mentais, ademais de concienciar dos obstáculos que atopan as persoas con discapacidade no mercado laboral, e difundir os esforzos destinados a superalas que levan a cabo os gobernos e as asociacións. Nesta ocasión fase especial fincapé na situación de desamparo que poden sufrir as persoas con discapacidade nunha situación económica como a que se está vivindo.
O programa de actividades Diversiarte desenvólvese entre os días 2 e 4 de decembro. Os actos arrincaron hoxe, coa inauguración do Mercadillo Solidario que se instalou no fondo da Praza Maior, que permanecerá aberto tamén os días 3 e 4 de decembro, entre as 11:30 e as 14:00 horas pola mañá, e de 17:00 a 20:30 horas pola tarde. No mercadillo venderanse obxectos que realizan os membros destas asociacións, que representan a colectivos con distintas discapacidades, e que están normalmente á venda. Poderanse comprar postais e todo tipo de obxectos solidarios, que se converten nunha boa opción como agasallos de Nadal. Cada asociación terá ademais o seu propio posto, no que ofrecerá información sobre o seu traballo.

O cartel anunciador destas xornadas foi elaborado por Down Lugo. O autor gañador, elaborou a súa obra co obxectivo de sensibilizar e promover a idea de que na diversidade é posible a igualdade. Os traballos presentados a este concurso de deseño gráfico serán expostos ata o 4 de decembro no Centro de Convivencia Maruja Mallo.

Máis información das actividades na páxina do Concello de Lugo, preme AQUÍ
Información da ONU e da Organización Mudial das Persoas con Discapacidad premendo nos enlaces.
Tras unha charla que houbo recentemente no instituto dunha voluntaria de COGAMI, algúns alumn@s escribiron artigos moi interesantes que poden lerse na páxina web do instituto.

1/12/09

BASES DO CONCURSO MATEMÁTICAS NA MÚSICA

A Biblioteca do IES Xoán Montes convoca un concurso entre o alumnado do centro para buscar cancións relacionadas coas Matemáticas de acordo ás seguintes bases:
1- Os participantes deben ser alumnos do IES Xoán Montes no ano escolar 2009/2010.
2- As cancións presentaranse da seguinte forma:
I)A canción grabada en CD, DVD ou indicando o enlace de internet a goear.com, youtube, etc.
II)Letra da canción en versión orixinal e traducida, se é o caso, a galego ou castelán.
III)O material que figura nos dous puntos anteriores introducirase nun sobre grande no que deberá figurar fóra o seudónimo do participante e o curso no que está (non o grupo). Dentro deste sobre grande ademáis introducirase outro sobre máis pequeno cos datos do participante (nome, apelidos, curso e grupo) e entregarase en secretaría.
3- O prazo de admisión pecharase o 30 de xaneiro de 2010.
4- O xurado estará composto polos profesores: Mª Beatriz López Soto, Mª Teresa Vázquez Cadavide e Manuel Veiga Díaz. O fallo será inapelable e emitirase o 15 de febreiro. O xurado pode declarar o premio deserto.
5- A canción gañadora publicarase no blog da biblioteca e todas as participantes na páxina do Departamento de Matemáticas.

PREMIO: Pendrive de 16 GB

José Emilio Pacheco, premio Cervantes

O premio Cervantes que anualmente convoca o Ministerio de Cultura recaeu este ano en José Emilio Pacheco, escritor mexicano que ao parecer resultou completamente sorprendido de recibir o premio, ata o punto de dicir que se sentía "patidifuso" ante o anuncio.



A pesar da sorpresa do autor, é doado comprender a valía do escritor con ler só unha pequena antoloxía da súa obra. A continuación reproducimos só un poema.

Presencia

¿Qué va a quedar de mí cuando me muera

sino esta llave ilesa de agonía,

estas pocas palabras con que el día,

dejó cenizas de su sombra fiera?


¿Qué va a quedar de mí cuando me hiera

esa daga final? Acaso mía

será la noche fúnebre y vacía

que vuelva a ser de pronto primavera.


No quedará el trabajo, ni la pena

de creer y de amar. El tiempo abierto,

semejante a los mares y al desierto,


ha de borrar de la confusa arena

todo lo que me salva o encadena.

Más si alguien vive yo estaré despierto.



1 de decembro, Día Mundial da Sida


No XXI aniversario do Día Mundial da Sida, cidadáns/as, institucións, organizacións e empresas temos unha oportunidade para prestar especial atención á epidemia do VIH.
En España, estímase que hai entre 120.000 e 150.000 persoas infectadas polo VIH. Moitas delas ven vulnerados os seus dereitos humanos ao ser estigmatizadas e discriminadas pola súa condición de seropositivas. Isto ademais é un gran obstáculo na prevención e o tratamento da infección por VIH. O medo, o rexeitamento e a ignorancia favorecen a súa expansión e fomentan falsas crenzas.
Este ano a campaña contra a sida fai fincapé na necesidade de acabar co estigma e a discriminación relacionados co VIH.
Estigma e Discriminación, a peor epidemia.
Detrás da sida hai moita vida!

30/11/09

II Semana da Sustentabilidade


Desde hoxe ata o 3 de decembro terán lugar na Cova da Terra interesantes actividades en pos da sustentabilidade.

Hoxe comeza esta II semana coa presenza do colectivo Ren de Ren, que realizará unha intervención co título 'A falacia da sustentabilidade'.

Mañá martes proxectarase o documental 'A vara de mediar a auga' e despois celebrarase un debate con Jorge Dafonte.

O mércores proxectarase o documental 'Return of the scorcher' con posterior debate con participantes de Masa Crítica.

E o xoves celebrarase o obradoiro 'Espazo aberto: procura de solucións colectivas para a sustentabilidade', a cargo de César Fernández, membro do Nodo Espiral da Academia de Permacultura.

Para máis información preme AQUí, onde poderás ver o interesante blog da Cova da Terra.

27/11/09

Convocado o Concurso Mellor Xornalista!

Bases VII Concurso Mejor Periodista Infantil y Juvenil de Prensa-Escuela

Anímate a participar! le as bases e pide axuda aos profesores cando o precises.

26/11/09

Becas High School para estudantes de 4º de ESO




A Fundación Pedro Barrié de la Maza e a Fundación Amancio Ortega, no seu afán por mellorar o ensino e o nivel de preparación dos novos estudantes de Galicia, decidiron de común acordo elaborar un programa de bolsas para aqueles alumnos que desexen cursar un Ano Académico nun instituto de ensino público, High School, de Estados Unidos.

@s alumn@s que desexen participar no programa de Bolsas deberán ser alumn@s de 4º de Educación Secundaria Obrigatoria (ESO) nun Centro de Ensino en Galicia e ter, como mínimo, unha media académica de 7,5 puntos no curso escolar anterior á solicitude, certificado polo Centro de Ensino, e a cualificación da materia de inglés dese curso (3º de ESO) deberá ser como mínimo de 7 puntos.

Pincha na imaxe para obter máis información.

25/11/09

E no cotián... a poesía: Xela Arias (1962-2003)


Propoñemos hoxe a poesía desta autora, nada en Lugo, mais residente en Vigo. O poema escollido pertence ao libro Darío a diario, publicado en 1996.


Nin coa mísera desculpa de che mellora-la vida
escoitarás de min xamais
unha mentira.

Se aborrezo tal estilo, a túa nobreza
—e penosa che ha ser por veces—
ampárate solidario do humano.

Guerreiro forte da envexa afasta
de ti os mesquiños de espírito,
                                           cariño

24/11/09

25 de Novembro: Día contra a Violencia de Xénero

Os mozos teñen dificultades para identificar as agresións machistas, pensan que iso so lles pasa a mulleres casadas maiores. Non se dan conta de que pódelle pasar a calquera compañeira de clase, a unha veciña a que conoce de toda a vida e tamen a súa irmá.

As estatísticas demostran que o maltrato afecta de maneira sobresainte á xuventude, xa que:

_O 26% das mulleres asasinadas este ano tiña menos de 30 anos.

_O 18% dos mozos cren que o home agresivo é máis atractivo.

_So o 2.5% cre que a violencia de xénero é un problema grave.

_En España 800.000 nenos conviven diariamente con situacións de violencia.

Por tanto, neste día de celebración sería importante pararse a reflexionar sobre as causas das agresións, aprender a detectalas e saber onde acudir a pedir axuda antes de que a situación non teña remedio.



Estás segur@ en internet?



21/11/09

21 de novembro: Día Mundial da Televisión


Como? ...pero é que hai algún día sen televisión? Hai, hai, pero é o día 10 de maio, así xa nos ocuparemos del noutro momento.

A celebración de hoxe ten que ver co aniversario do primeiro Foro Mundial da Televisión, que tivo lugar en 1996. O obxectivo que perseguen as Nacións Unidas con este día, segundo a resolución aprobada o 17 de decembro de 1996, é o de promover o intercambio de programas de televisión que falen, entre outros temas, de paz, de seguridade, de desenvolvemento económico e social e fomenten o intercambio cultural.
Mais é realmente necesario un día da televisión? Non todos os países estiveron de acordo na súa proclamación. A delegación alemana, por exemplo, opinaba que era semellante a proclamar un Día Mundial dos Ricos. Supoñemos que todo depende de como se enfoque a celebración. Poderíamos, por exemplo, aproveitar para aprender algo máis sobre a televisión.



19/11/09

Participación de dous equipos do Instituto en TIC- TAC!



TIC-TAC! é un proxecto de FEUGA e Tecnópole que trata de fomentar o espíritu emprendedor de estudantes de ESO, Bacharelato e Ciclos Formativos, dándolles formación e apoio para que simulen a creación da súa propia empresa a partir das súas ideas innovadoras. Este ano foi a primeira edición, e o noso Instituto participou con dous equipos formados por o alumnado de Tecnoloxía de 4º da ESO, liderados por o seu profesor Gerardo Baamonde, e coa colaboración de Beatriz López. Dos 13 equipos que ao final expuxeron os seus proxectos houbo catro que resultaron premiados, e un deles era tamén dos nosos.
Christian Toimil, Alba Mourelos, Marco Gugliandolo, Marta González, Alejandro Boado, Pablo Vega, Aitor Baamonde, Omar Leonel Díaz, Andrea Vázquez e Andrés Armesto.
Parabéns a todos!

17/11/09

E no cotián... a poesía: David Avidán (1934-1995)

David Avidán é un poeta israelí que cultivou tamén o cine, a pintura e o xornalismo. É coñecido como o enfant terrible da literatura hebrea moderna. Durante os anos cincuenta formou parte do grupo Liqra’t (preposición que significa enfrente de, ao encontro de, contra...), grupo do que se distanciou posteriormente con unha poesía moi persoal. Quizá haxa centos de poemas mellores que o que ofrecemos hoxe, mais non puidemos resistir a tentación de publicar a súa Humilde contribución á teoría poética:


Poesía é algo

que defino que é poesía

despois de que o escribo

como poesía ou como nonpoesía

mais publico como poesía


e agora definide vós de novo queépoesía

O alumnado do IES Xoán Montes gaña no II Concurso Galego de Robótica en Santiago

Os nosos alumnos e alumnas de 1º de BAC acadaron o 1º posto e empataron con mención especial no 3º posto na Maxia da Robótica. Tamén os alumnos de 4º de ESO conseguiron mención especial. ¡Parabéns aos nosos campións!

20 de Novembro--Día Universal do Neno

O 20 de novembro celébrase o Día Universal da Infancia. Nesta data debemos lembrar que un neno é unha persoa que ten dereito a ser educado e protexido onde queira que nacera. E ademáis ten derito a divertirse a aprender e a expresarse. Todos os nenos teñen dereito a ir a escola, recibir cuidados e ser alimentados para garantir o seu desenvolvemento en todos os aspectos.
A Declaración de Dereitos do Neno foi aprobada pola Asamblea Xeral das Nacións Unidas o 20 de novembro de 1989




13/11/09

Nace o Club de Lectura


Queres comezar novas aventuras?

Tes un montón de amigos esperando.

Soña

imaxina

emociónate

explora

aprende

vive

voa

le...

PARTICIPA!

12/11/09

Matemáticas na música

A biblioteca do IES Xoán Montes convoca un concurso entre o alumnado do centro para buscar cancións relacionadas coas matemáticas. Próximamente publicaranse as bases do concurso, pero para que vaiades vendo aquí tedes unha mostra.



11/11/09


Neste ano Europeo da Creatividade e a Innovación, o mundo da ciencia e a innovación desexa achegarse a ti con motivo da Semana da Ciencia, o maior evento de comunicación social da ciencia e a tecnoloxía que se celebra en España.

O Ministerio de Ciencia e Innovación, consciente da necesidade de crear unha contorna social máis proclive á ciencia e a innovación, apoia e coordina a nivel estatal, a travès da FECYT, as actividades que se organizan en todo o territorio español.

Este ano, ademais, unímonos ás dúas conmemoracións científicas do 2009, o Ano Internacional da Astronomía e o Ano Darwin. A astronomía e a teoría da evolución convértense nas protagonistas desta edición; disciplinas científicas que nos permitiron coñecer aspectos crave da nosa existencia, grazas ás ideas revolucionarias de científicos como Galileo Galilei e Charles Darwin.

Uns días ao ano dedicados á ciencia:
Semana da Ciencia, a ciencia ao alcance da túa man.

En Lugo tes a oportunidade de participar en INITIA, que é un programa de iniciación dos estudantes na actividade investigadora realizado en colaboración coa Universidade de Santiago de Compostela e a Consellería de Educación e Ordenación Universitaria. Os participantes pasan a ser un membro máis do equipo de investigación traballando nun proxecto e tutorados por profesores e investigadores nas distintas disciplinas do Campus de Lugo, ciencias experimentais, ciencias sociais e humanidades. O programa ofrece unha oportunidade aos estudantes que demostran bos resultados académicos e capacidade de superación. Deste xeito coñecen o proceso de investigación científica, aprendendo técnicas, métodos e conceptos así como manexo de equipos.
- Páxina web: http://www.xente.mundo-r.com/science/sigma/initia.html
- Data inicio: 01/11/2009 Data fin: 30/11/2009 Horas: 16h a 20h
- Tipo de actividade: Xornadas de portas abertas e visitas guiadas
- Tema da actividade: Divulgación científica e tecnolóxica
- Dirixida a: Estudantes de ESO, Bacharelato e Ciclos Formativos

10/11/09

Sesame Street 40 anos educando

El Barrio Sésamo original cumple 40 años




Empezaron hai catro décadas en Estados Unidos e pronto se converteron nun fenómeno global que axudou á educación de millóns de nenos a través de xogos e música.
A súa misión principal era ensinar, pero tamén se preocuparon por inculcar a tolerancia e o respecto aos demais.
Felicidades!

9/11/09

20 anos da caída do Muro de Berlín





O Muro de Berlín caeu na noite do xoves, 9 de novembro de 1989, ao venres, 10 de novembro de 1989, 28 anos máis tarde da súa construción.


5/11/09

Exposición e Obradoiro de adornos


EXPOSICIÓN: Lázare. Memorias 1994-2009
É unha mostra de pintura e debuxo dun creador lucense, Jesús López Lázare.
A Inauguración foi hoxe, 5 de novembro, ás 20:00 horas, na Sala de Exposicións do Pazo de San Marcos (sede da Deputación de Lugo), e estará aberta ata o 30 de decembro.
A entrada é gratuíta e no horario seguinte:
Luns a venres: De 10:30 a 14:00 e de 16:30 a 20:30 h.
Sábados: 10:30 a 14 h. e 16:30 a 20 h.
Domingos e festivos: de 11 a 14 h.

Tamén facémonos eco doutra actividade interesante:
O MUSEO INVÍTATE AO OBRADOIRO...: Adornos para agradar, para gustar
O sábado, 7 de novembro de 2009, ás 12:30 horas, o MPL invítate a ti e a toda a túa familia ao obradoiro "ADORNOS PARA AGRADAR, PARA GUSTAR", por Laura Fernández Morán.

Segundo Encontro de Mulleres Rurais Emprendedoras e exposición do seu traballo


Representantes do Concello e do Centro de Artesanía e Deseño, xunto coa presidenta de FADEMURA, Rosa Arcos, presentaron esta mañá o Segundo Encontro de Mulleres Rurais Emprendedoras que terá lugar o vindeiro sábado 7 de novembro e o domingo 8 nunha carpa situada na Praza de Anxo Fernández Gómez.

A Concelleira de Muller e Benestar Social explicou que este encontro se engloba no programa de actos organizado polo Concello con motivo do Día Internacional Contra a Violencia de Xénero, que se celebra o vindeiro 26 de novembro.O obxectivo deste encontro é facer visible o papel das mulleres no eido do rural, e continuar traballando pola igualdade. Inténtase poñer en valor as actividades singulares que contribúen a crear un tecido económico no eido do rural de todas as zonas de Galicia.

Poderase disfrutar da presentación, información, exposición, degustación e venda de productos de toda Galicia elaborados, pilotados e dirixidos por mulleres. Haberá arredor de 20 expositoras, 12 delas da provincia de Lugo, que presentarán ao público as súas produccións ao longo de toda a xornada. Haberá produtos de alfarería, zoquería, derivados de produtos silvestres, bolillos, cerámica, xoiería, talla de madeira, licores, conservas, bordados, cerámica, decoración en coiro, deseño de traxe tradicional galego, tear tradicional, cestería, xabróns, etc.

A mostra estará aberta ao público o sábado de 11.00 a 20.30 horas e o domingo de 10.00 a 18.00 h

3/11/09

Cincenta noutro conto



“Este cuento está dedicado
a todas las mujeres valientes
que quieren cambiar su vida
y a todas aquellas que la perdieron
y nos iluminan desde el Cielo”

Nunila López e Myriam Cameros

Sitio oficial: La cenicienta que no quería comer perdices
Blogs das autoras: Nunila y Myriam Cameros
Máis información de como mercalo e da saída da 2º edición no blog das autoras

Recibín hai tempo este conto por correo electrónico, gustoume moito e vin que estaba noutros blogs e que podía descargarse, espero que vos guste.

2/11/09

Unha ciberoteca escolar chea de recursos


Neste sitio accederás a ciberoteca escolar, onde poderás atopar todo tipo de recursos para os estudios e para o teu tempo de ocio. Percorre os diversos apartados e descobre todo o que pode ofrecerche a rede: libros virtuais, para que poidas descargalos e gardalos no teu ordenador, enlaces co mellor de Internet (idiomas, mapas, xogos, música, os teus personaxes favoritos, etc. ), consellos para coidar o medio ambiente, son os cadernos editados pola Fundación Bancaja, e moitísimas cousas máis...

Por suposto que este recurso o enlazaremos no apartado de lectura da parte esquerda do blog.


31/10/09

31 de outubro: algo que celebrar?


Ciclo de teatro de outono “Atracción Teatral III”

Hoxe sábado, e os catro do mes de novembro, terán lugar no Centro Social Municipal de Fingoi as cinco representacións teatrais que compoñen a terceira edición do ciclo de teatro amador Atracción Teatral que organiza a compañía luguesa Nova Escena Teatro.

Será precisamente este grupo o encargado de abrir as funcións, coa posta en escena da obra «Pensión 13». O 7 de novembro, o público poderá ver «Cometa, cometa», representada pola compañía O aturuxo de Melpómene, de Narón. O día 14 do mesmo mes, Teatro de cámara Ditea porá en escena a obra «Acto imprevisto». Xa o día 21, o grupo vigués Atrezzo Teatro representará «A voda». Por último, o Centro Dramático Vilalbés será o encargado de pechar as representacións con «6 x 4... dúas ducias».

Todas as funcións son ás sete da tarde e a entrada é libre.

Máis información AQUÍ


E no cotián... a poesía: Uxío Novoneyra (1930-1999)


Sí, foi tal día coma onte, hai dez anos, Uxío Novoneyra deixábanos. E entre as cousas que nos deixaba están un montón de poemas que vale a pena ler. O que compartimos hoxe pertence ao seu primeiro libro: Os eidos (Vigo, 1955) e foi escrito nunha época de convalecencia no Courel. Na biblioteca do centro contamos con varios exemplares desta obra, así que é ben doado coñecer persoalmente a obra deste autor.

Novas verbas de door


PECHOUSE a noite riba do ucedo

i eu non vin einda a cor da miña amiga.

Agora é cando ún treme e ten medo.


ISTE desacougo! Este cousa! Esta mao xorda que tira!

Iste querer irse sin saber para onde!


AGORA o meu cor é unha chaga encendida.

Unha mao loba anda escalazándome a ferida.


ESTA door que se oi!

Iste cor meu!

Esta door que me veo ela de seu

Sin saber polo que foi!


FOI coma se caira nunha cova.

Antes era noite i era día

Agora é todo unha negrura loba.


29/10/09

¡Por Tutatis! É o noso 50 aniversario



Asterix, o pequeno guerreiro galo que seduciu xa a varias xeracións de lectores, celebra o seu 50º aniversario hoxe 29 de outubro. Todo empezou en agosto de 1959 nun edificio de Bobigny, suburbio do leste de París, onde René Goscinny e Albert Uderzo se devanaban os miolos intentando idear novos personaxes para unha revista de cómics que ía ser lanzada en outubro. A idea xurdiu finalmente: dous galos, un baixiño e outro gordo. En dúas horas, Uderzo esbozou as súas imaxes, así como as dos outros principais heroes da tira: o xefe da aldea, o druída, o bardo. E, dous meses despois, Asterix e Obelix aparecían por vez primeira no número un da revista Pilote. Dous anos despois, o primeiro álbum foi publicado cunha tirada de 6.000 exemplares. O éxito foi inmediato. Asterix e os seus galos pasaron a formar parte da vida dos franceses. En setembro de 1966, o semanario L'Express daba conta no seu título do "fenómeno Asterix". Goscinny, dunha familia xudía de orixe polaca, e Uderzo, fillo de emigrantes italianos, crearon unha mitoloxía francesa. Na Francia dos anos 1960, Asterix converteuse nun símbolo do orgullo recuperado, do pequeno que rehúsa someterse e resiste ao poder dos maiores. O máis sorprendente foi que a historia tivo un éxito similar no estranxeiro, en 50 anos vendéronse no mundo máis de 325 millóns de exemplares das aventuras de Asterix, e a serie traduciuse a 107 idiomas.

Nós, dende este curruncho que é a biblioteca felicitamos a Asterix e a súa banda de simpáticos galos que tantos bos ratos nos fixeron e nos fan pasar, sempre irredutibles e quizais inmortais.

Xa podes pedir prestado o álbum conmemorativo do 50 aniversario!

28/10/09

E no cotián... a poesía: Antonio Gamoneda


Eliximos para esta semana a obra do poeta asturiano Antonio Gamoneda. Ao mesmo tempo, queremos presentar o portal a media voz, onde podemos disfrutar da lectura da poesía ou escoitar aos propios poetas recitar os seus versos. A maior parte da poesía presente no portal está escrita orixinalmente en castelán, pero tamén conta cun apartado de traducións.

Sábado:

1. El animal que llora, ése estuvo en tu alma antes de ser amarillo;

el animal que lame las heridas blancas,

ése está ciego en la misericordia;

el que duerme en la luz y es miserable,

ése agoniza en el relámpago.


La mujer cuyo corazón es azul y te alimenta sin descanso,

ésa es tu madre dentro de la ira;

la mujer que no olvida y está desnuda en el silencio,

ésa fue música en tus ojos.


Vértigo en la quietud: en los espejos entran sustancias

corporales y arden palomas. Tú dibujas juicios y tempestades

y lamentos.


Así es la luz de la vejez, así

la aparición de las heridas blancas.

* * *

2. Estoy desnudo ante el agua inmóvil. He dejado mi ropa en el

silencio de las últimas ramas.

Esto era el destino:

llegar al borde y tener miedo de la quietud del agua.


CICLO DE CINE DE BARRIO DE TEMÁTICA FEMININA



O Concello de Lugo, a través da Concellería de Benestar Social e Igualdade , achega aos diferentes barrios da cidade un ciclo de cine de temática feminina. Este ciclo comezou o 26 de outubro coa proxección da comedia Ayer, hoy y mañana. A actividade continuará o vindeiro 5 de novembro no Centro de Convivencia Maruja Mallo ás 19.00 horas coa película La teta asustada. O público poderá disfrutar co film Osama no Centro de Convivencia de Lamas de Prado o xoves 12 de novembro ás 19.00 horas e con Princesas no Uxío Novoneyra o día 19 de novembro tamén ás 19:00 horas. O ciclo rematará o 26 de novembro no Centro Social de Fingoi ás 19.00 horas coa proxección de Conversaciones con mamá. O obxectivo deste ciclo de cine de barrio é que os asistentes reflexionen sobre a temática e se cree conciencia de xénero.
Podedes informarvos máis e obter o programa AQUí

26/10/09

I Concurso de tarxetas de nadal



Convócase aos alumn@s de infantil, primaria e secundaria que cursen estudos en Galicia, e non teñan cumpridos os 18 anos, a participar neste concurso na súa primeira edición.

Os traballos deberán ser tarxetas de nadal orixinais e inéditas, en tamaño DIN-A4 con marxes non inferiores a 5 mm. A técnica e o soporte serán libres.

A obra firmarase na parte traseira cun pseudónimo, este pseudónimo e o título da obra tamén figurará nun sobre pechado no que se introducirán os datos personais do autor (nome, idade, enderezo, teléfono particular, curso e Centro de estudos), que virá selado polo Centro educativo. No exterior do sobre figurán unicamente o pseudónimo e o título da obra. Traballos e plica enviaranse conxuntamente a: PREMIOS VOZESNAVOZ. La Voz de la Verdad. Rúa Bispo Aguirre, 17 Lugo 27002.

Os premios serán dous por etapa académica, en educación secundaria haberá un cheque-agasallo intercambiable por libros ou material escolar de 150 € e outro de 100€.

O prazo de presentación remata o 28 de novembro.

Xa falta pouco para o nadal, se tes algunha idea que podas debuxar atrévete a concursar!

20/10/09

Semana da Benvida en Lugo


Desde hai tres anos, o convenio Lugo Cultural -formado polo Concello, a Deputación, a Xunta e o Vicerreitorado de Cultura- vén deseñando un programa cultural para dar a benvida aos universitarios. O deste ano bota a andar este mesmo martes. As actuacións previstas en Santa María pasarán ao Gustavo Freire no caso de choiva. A Semana de Benvida abriuse hoxe ás 10.00 horas, coa audición de música clásica do "Trío Kandinski" en Maxisterio, que actuou tamén en ADE e na EPS. A compañía de danza La Macana actuou no aulario de Veterinaria ás 11.00 horas e despois no de Ciencias e en Humanidades. Houbo jazz, encontro coa Macana no Museo Provincial e conferencia sobre jazz.

Mágoa non enterarse a tempo, pero aínda queda algunha outra actuación, Camilo Franco e Pablo Seoane farán mañá mércores, ás 20.30 horas no Círculo das Artes, un acto de improvisación musical e literaria. O xoves actúa A Tribu, ás 20.30 na Praza de Santa María, e na xornada do venres destaca a inauguración da exposición As Terras Escondidas, con fotografías da India e Nepal realizadas por dous profesores de Literatura da USC, que superou os 4.000 visitantes en Santiago e que se poderá ver na Facultade de Veterinaria ata o remate do mes de novembro. A cantante Mercedes Peón pechará a Semana de Benvida cun concerto ás 20.30 en Santa María.


E no cotián... a poesía: Marie Ponsot


Presentamos hoxe unha autora probablemente descoñecida para a maioría dos nosos lectores. Marie Ponsot é unha escritora estadounidense de case noventa anos. Ademáis da poesía, dedicouse ao xornalismo e á tradución. Pouca xustificación require a súa presencia nesta sección poética, quizá basten os dous últimos versos do poema que vos propoñemos que leades:

Against Fierce Secrets
Only to themselves are the passionate
hot. To the objects of their passion they
are cold. What Yeats knew. They eradicate
what they notice, as the thumb hard-crams the clay
impressionable under it, to lie flat,
apt to the shape their cold-steel scribes may
cut or spurn it to. Yet they know passion
must drown to ripen sweet & give fair play
to the whole life hot passion speeds us from.

As passion's object, dig with your ampersand:
be cold & hot. The receptive earth will come
to transform the root-end that your planting hand
cut & abandoned, to new chrysanthemum.

Heartfelt thought, drop your guard, keep clear, be slow;
double your careful opposites & grow.


16/10/09

Hoxe festival Lugo contra a Fame


A finalidade do Día Mundial da Alimentación, o 16 de outubro, proclamado en 1979 pola Conferencia da Organización das Nacións Unidas para a Agricultura e a Alimentación (FAO), é a de concienciar ás poboacións sobre o problema alimentario mundial e fortalecer a solidariedade na loita contra o fame, a desnutrición e a pobreza. O Día coincide coa data de fundación da FAO en 1945. En 1980, a Asemblea Xeral apoiou a conmemoración do Día por considerar que "a alimentación é un requisito para a supervivencia e o benestar da humanidade e unha necesidade humana fundamental" (resolución 35/70, do 5 de decembro).
Se queres ter máis información ou colaborar pincha AQUÍ Tamén hai un xogo de sensibilización sobre a desnutrición infantil realizado por Médicos sin Fronteras que podes descargar AQUÍ
A compañía Achádego Teatro confía en que o público lucense demostre a súa xenerosidade na gala Lugo contra a Fame que se celebrará hoxe, a partir das 21.00 horas, no auditorio Gustavo Freire. O grupo coordina o espectáculo en colaboración con Acción contra Fame coincidindo coa celebración do tamén chamado Día Mundial da Nutrición. Unha das impulsoras, Tareixa Campo, resalta a importancia de recadar fondos para combater a desnutrición que cada ano provoca a morte duns 5 millóns de nenos en todo o mundo. Na cita participarán, entre outros, os escritores Xosé Miranda e Marica Campo; Palimoco Teatro, Upiaska, Tino Baz, Pilocha e Iván e Josito. As entradas, que oscilan entre 5 e 8 euros, podense comprar en Caixanova. Tamén hai unha fila cero, cun custo de 5 ou 10 euros.

14/10/09

“Los pintores de Artal. Pintura española del Museo de La Habana”, en Lugo


Esta exposición dará comezo o 16 de outubro na sala de exposicións do Centro Sociocultural Fundación Caixa Galicia de Lugo. Ata o 10 de xaneiro poderemos ver de cerca un total de vinte e sete paletas e vinte óleos de artistas que participaron nos Salóns de Artal, dando testemuña do movemento da pintura española de entresiglos en Hispanoamérica, grazas ao intenso labor de marchantes como José Artal. Esta pequena colección, que reuniron o marchante catalán e a súa esposa, móstrase agora como unha mirada cara á recepción que tiveron en Cuba os pintores promovidos por el naquel período. Desde a colección do museo da Habana, dase un novo enfoque a esa promoción da arte entre España e Hispanoamérica nos albores do século XX, expresión dun fenómeno que abarca moito máis e que inclúe o coleccionismo e a circulación da arte a unha escala moito maior. Descubrimos este curioso capítulo da historia da arte a través da presente exposición, comisariada por Manuel Crespo e Abelardo Mena.

O horario de apertura ao público é : luns a sábados de 12:00 h. a 14:00 h. e de 18:00 h. a 21:00 h. Domingos e festivos de 12:00 h. a 14:00 h.
Visitas guiadas: para público en xeral, mércores e sábados ás 19:30 h, para grupos, concertar no 982 289 096
.

Os outros nobel


Desde 1980, a fundación Right Livelihood Award, que poderíamos traducir por premio á xusta subsistencia ou á sustentabilidade, premia a "aquelas persoas que ofrecen respostas prácticas e exemplares para os desafíos máis urxentes que afrontamos hoxe en día." Son coñecidos habitualmente como os Premios Nobel Alternativos e son entregados desde 1985 no parlamento sueco pouco antes da entrega dos Nobel.
Os premios correspondentes a este ano 2009 recaeron nas seguintes persoas:
René Ngongo, pola súa defensa da selva tropical do Congo.
Alyn Ware, polas súas actividades á favor da educación para a paz e contra as armas nucleares.
Catherine Hamlin, pola súa dedicación ás mulleres pobres de África no campo da obstetricia.
Tamén recibe un premio honorífico David Suzuki, pola súa dedicación ao uso responsable da ciencia.


12/10/09

Ciclo de cine 'Rodando nas aulas'


A educación, un dos temas máis controvertidos da sociedade actual, pasa a ser o eixo central do ciclo de cine que presenta este outubro a Fundación Caixa Galicia. Baixo o nome "Rodando nas aulas", un total de oito títulos aterran nas distintas sedes e centros socioculturais da Fundación achegándonos ás perspectivas de destacados directores internacionais sobre a temática. O máis selecto da cinematografía mundial poderá verse na Sede en Lugo da Fundación Caixa Galicia (Praza de Santa María) dende mañá ata o 15 de decembro, en pase único ás 20.00 horas.
13 outubro: A Calumnia (W. Wiler, 1962) (N.R.M. 18 anos)
20 outubro: Rebelión nas aulas (J. Clavell, 1967)(N.R.M. 13 anos)
27 outubro: Herdanza do vento (S. Kramer, 1960) (T.P.)
3 novembro: Ás 5 da tarde (S. Makhmalbaf, 2003) (N.R.M. 13 anos)
17 novembro: Elephant (G. Van Sant, 2003) (N.R.M. 18 anos)
24 novembro: Nin un menos (Z. Yimon, 1999) (T.P.)
1 decembro: A Clase (L. Cantet, 2008) (N.R.M. 13 anos)
15 decembro: A onda (D. Gansel, 2008) (T.P.)

11/10/09

tbr ms ntrncnl d Bbltc sclr


Seguro que fostes capaces de ler o título sen as vocais, é incrible, verdade?
Pois lestes ben, este mes está dedicado a destacar o importante papel da biblioteca escolar. É un espazo de lectura, entendendo por tal "Lectura de todo tipo de texto, en todo tipo de soporte, con todo tipo de finalidades". Na nosa biblioteca atoparedes novelas, dicionarios, películas, cómics, revistas, xornais, oportunidade de investigar co ordenador... Tamén nesta semana que comeza haberá un buzón para as vosas suxerencias de actividades, de posibles melloras nos servizos, libros interesantes que mercar... ou o que queirades propoñer.

En comentarios a este post podedes tamén facernos chegar as vosas ideas, e si queredes podedes tamén colaborar escribindo un post no que nos contedes un conto, nos recomendedes un libro ou nos faledes de algo interesante que podamos ler todos.

Si, a biblioteca é nosa, de tod@s e para tod@s .

Achégate a ela!

9/10/09

Herta Müller: premio Nobel de literatura 2009



Non é excesivamente coñecida esta escritora de orixe rumana que escribiu case toda a súa obra en alemán. A concesión do premio foi acollida con sorpresa en case todos os medios literarios, a pesar de que a súa obra é extensa, abarca tanto a poesía como a prosa e o ensaio, e está traducida a varios idiomas. A Academia sinala que a autora premiada debuxa a paisaxe dos que nada teñen coa concentración da súa poesía e a franqueza da súa prosa. Agora só queda comezar a ler a súa obra.

5/10/09

Dous concursos para promover os valores do cooperativismo en Lugo


O Concello de Lugo, a USC, o Consello Galego de Cooperativas e a Escola de Artes Aplicadas Ramón Falcón, colaboran nestes certames, cuxo obxectivo é o de “promover entre a mocidade lucense a creación de empresas na forma xurídica de cooperativa e promover os valores de solidariedade e voluntariedade, valores positivos para a sociedade en xeral”.
*O primeiro deles trátase dun concurso de fotografía que debe facer referencia ao cooperativismo e aos valores que o inspiran. Cada persoa poderá presentar unha obra realizada con cámara fotográfica ou teléfono móbil, que deberá ser presentada no Rexistro Xeral Municipal nun sobre pechado asinada con pseudónimo e cun sobre que inclúa os datos persoais do participante.
O gañador terá como premio unha cámara fotográfica profesional SONY DSCW290.
*O segundo dos concursos pretende estimular e apoiar a comercialización de produtos e servizos cooperativos mediante propostas innovadoras de marketing que chamen a atención do potencial cliente e propicien a súa compra. Neste certame poderá participar o alumnado dos centros de ensino secundario, FP e da USC de Lugo de forma individual ou colectiva (cun máximo de 3 persoas por grupo).
O premio que obterá o gañador ou gañadores do concurso será un ordenador portátil Netboook.
O prazo para presentar os proxectos e as fotografías aos dous concursos estará aberto ata o 31 de outubro.

Para obter máis información e poder ver as bases do concurso pincha AQUÍ

Investiga, fotografía, crea... a que estás esperando!

2/10/09

Aprendamos xogando!



Como din no Caderno Xeral, título do portal de bitáculas da AS-PG (Asociación Socio-Pedagóxica Galega), o lecer é un bo espazo para aprender, e aprender xogando é a mellor forma de achegármonos á nosa literatura, á nosa historia, á nosa xeografía, a nós mesm@s.

Eles elaboraron este xogo que nós descubrimos e volo propoñemos, podedes incluso crear preguntas coas súas respostas para incluir e facer máis interesante o xogo.

Para ir ao TRIVIAL.GZ pincha AQUí

1/10/09

Concurso para creativos INVENT-AD


Parece que non queda tanto para que acabe o ano europeo da creatividade e a innovación, pero aínda hai tempo para participar en dous concursos que están na súa primeira edición. O prazo para participar remata o 30 de novembro... non perdas tempo!

1ª EDICIÓN DO CONCURSO INVENT-AD
INVENT-AD é un concurso creativo destinado aos alumnos de ESO, Bacharelato e Formación Profesional, no que se busca a mellor campaña publicitaria para algúns dos inventos e achados científicos que revolucionaron a sociedade. Propóñense oito inventos que cambiaron o rumbo da humanidade e tres categorías a participar: póster, cuña de radio ou anuncio de TV. De todos os proxectos participantes elixiranse tres gañadores, un para cada categoría, que recibirán un premio de 1.500€ a gastar na mellora do equipamento científico da escola. Es capaz de pensar unha campaña publicitaria para os inventos que non a tiveron?
MODALIDADE SLOGAN. INVENT-AD na súa modalidade de slogan, é un concurso creativo aberto a calquera persoa que resida en territorio nacional. O slogan é o sinal de identificación da marca ou do produto para convencer ao posible receptor das súas bondades e vantaxes. Un elemento breve que permite que o produto anunciado sexa recordado con facilidade. Invitámosche a que cres un slogan publicitario para algún dos inventos científicos seleccionados por divuCiencia. Poden presentarse tantas propostas como se queira en calquera lingua oficial do estado, se non é en español deberán ir acompañadas da súa correspondente tradución. ATRÉVETE A SER CREATIVO! O premio para esta modalidade será unha reprodución artesanal e en miniatura dun invento.
Para obter máis información dos concursos pincha AQUí
Tamén hai unha páxina onde atoparás interesante información www.conselleriaiei.org/divulgacion360/
.

30/9/09

15º “CERTAME DE CONTOS E RELATOS CURTOS TRAPERO PARDO” CONCELLO DE LUGO


Este certame foi creado hai quince anos en homenaxe ao xornalista e escritor José Trapero Pardo. Ademais de escribir numerosos artigos e diferentes obras, Trapero Pardo foi cronista oficial de Lugo, membro da Real Academia de Belas Artes de San Fernando e membro da Real Academia Galega. Tamén, dirixiu o Museo Provincial e foi presidente da Asociación Provincial de Amigos dos Castelos así como vocal de varios padroados, entre outras actividades.

Vai dirixido a todos os rapaces e rapazas entre 12 a 18 anos, de calquera centro público ou privado da provincia de Lugo.
Os contos deberán ser traballos inéditos, escritos en lingua galega, de tema libre, e cunha extensión máxima de 10 páxinas. Entregaranse por triplicado e escritos a máquina ou a man, con letra lexible na Concellería de Educación (C.S. Uxío Novoneyra),
R/ Quiroga Ballesteros, 1º A, 3º andar, CP 27001, Lugo. Enviaranse sen remite, e baixo lema, indicando no sobre "15º CERTAME DE CONTOS E RELATOS CURTOS TRAPERO PARDO" e a categoría na que participa, nun sobre, pechado e baixo o mesmo lema, indicarase o nome, enderezo, idade, teléfono e centro onde estudia.
O prazo de presentación será ata o día 20 de novembro de 2009.
Premios:
A- CATEGORÍA DE 12 A 14 ANOS:
Haberá tres premios con diploma de participación, medalla, lote de libros e premio valorado en 200 , 100 e 60€ respectivamente para cada premio.
B- CATEGORÍA DE 15 A 18 ANOS:
Haberá tres premios con diploma de participación, medalla, lote de libros e premio valorado en 250, 150 e 100 € respectivamente para cada premio.

Bota a voar a imaxinación!

29/9/09

E no cotián... a poesía: Xavier Seoane


Esquecida xa, quizá, a rutina do verán e inmersos nesa outra rutina cotiá, non está mal que comecemos de novo a nosa serie de anotacións dedicadas á presentación da poesía. Hoxe presentamos neste blog a Xavier Seoane, poeta galego contemporáneo.
Nos parágrafos cos que comeza a súa obra presente continuo (a luz de outro horizonte) afirma: "sempre gustei das formas curtas. Da reflexión, do dietario, do aforismo." A forma perfecta para a nosa presentación da poesía. Na obra citada podemos ler por exemplo:


A creación é tan fundamental como a leña e o pan.
A creación é un vento impregnado de sentido moral.
É forza tranquila e furacán desatado.
Luva ardendo na man.
Mirada no centro da cara.
Encarnadura no soño da carne.
A creación é o soño desperto do real, a vertixe luminosa que atrapa a libélula do instante.
A creación é o que non ensinan as escolas, nin os mestres, nin os pais; nin sequera os Avós nos seus relatos.
Creación é sachar.
A creación é a consciencia de saberse apto para o soño, propicio para a viaxe, cheo de indicios, de acontecementos, de morada.
A creación é instante interminábel.
Itsmo que canta.


28/9/09

Concurso esdelibro.es











É un concurso de traballos orixinais de investigación, desenvolvidos por estudantes, sobre un tema do seu interese: música, ciencia, literatura, arte, natureza, historia, cine, deportes, filosofía, tecnoloxías, matemáticas... Os traballos poderanse presentar a concurso en todas as linguas oficiais de España.

Está dirixido a estudantes e docentes de ESO, bacharelato e ciclos formativos de Grao Medio de todas as comunidades autónomas. Os traballos deben ser realizados en grupo (un mínimo de dous e un máximo de catro estudantes) e sempre deberán ser coordinados por un profesor.

Haberá premios para estudantes, docentes e centros educativos, establécense para estudantes nove premios: tres para os mellores traballos de primeiro ciclo de ESO, tres para os mellores traballos de segundo ciclo de ESO e tres para os mellores traballos de bacharelato e ciclos formativos de Grao Medio.

Prazo de inscrición: 15 de setembro do 2009 - 1 de febreiro do 2010.

Prazo de envío de traballos: finaliza o 22 de marzo do 2010.

Fallo do xurado: maio do 2010.

Se logras que a túa creación sexa orixinal e respecte todas as normas de propiedade intelectual ( Pensa en © ! ), poderás gañar un premio.

Mira os premios e concursa ! (pincha na imaxe da dereita)