31/5/09

31 de maio, Día Mundial Sen Tabaco

O perigo do tabaco para a saúde e o labor da OMS para frear o seu consumo son os dous eixos centrais deste evento anual, que ten lugar cada 31 de maio. O tabaquismo, segunda causa mundial de mortalidade, é responsable hoxe en día da morte dun de cada dez adultos no mundo.
A OMS creou o Día Mundial Sen Tabaco en 1987 para chamar a atención do mundo sobre a epidemia de tabaquismo e as súas letais consecuencias. O tabaco é a principal epidemia prevenible á que fai fronte o mundo sanitario
Para este ano 2009 seleccionouse como lema Advertencias sanitarias antitabaco, estas aparecen nos paquetes de cigarros e son unhas das defensas máis fortes contra a epidemia mundial de tabaquismo. A OMS apoia, en particular, as advertencias que combinan imaxes e texto, porque son o medio máis eficaz para incitar ás persoas a deixar de fumar.

O Servizo Municipal de Prevención das Drogodependencias do Concello de Lugo organizou para hoxe unha serie de actividades co motivo da celebración deste día que terán lugar entre as 11:00 e 14:00 horas. Catro monitores repartirán diante do Concello folletos informativos sobre o consumo de tabaco, facilitando as informacións oportunas a todos aqueles que o soliciten. Ademais, haberá como en anos anteriores o troque de caxetillas de tabaco por agasallos.
O departamento dependente da Concellería de Muller e Benestar Social, contará coa colaboración da Asociación Española contra o Cancro que facilitará DVD´s co título "Es fácil dejar de fumar si sabes cómo", unha adaptación do libro do mesmo título de Allen Carr, o máis vendido no mundo para deixar de fumar.
Información e axuda para deixar de fumar premendo AQUÍ


RTVE.es ... Un ano... e moito que ver!


O 29 de maio celebrouse o 1º aniversario da páxina web de RTVE.es Supón a maior aposta da Corporación por acadar a accesibilidad nos novos medios e para todos os cidadáns das súas informacións e contidos.
Destacan os servicios Televisión á carta (que pon a disposición dos usuarios os contidos da televisión dos últimos sete días) e Radio á carta, cos programas completos de TVE e RNE.
Ademais, desde o venres 29, todos os informativos territoriais de TVE estarán a disposición dos internautas conforme se emitan para permitir así aos cidadáns informarse sobre a súa Comunidade Autónoma desde onde se atopen, dentro de España ou no estranxeiro.
RTVE está inmersa na recuperación e dixitalizacion do seu inmenso archivo audiovisal. O proceso realízase tamén en Internet, onde os cidadáns deciden que prefiren ver. Así, xa están dispoñibles no novo 'site' do arquivo os acontecementos máis importantes da historia recente, así como os mellores documentais de "Documentos TVE".
Tamén están dispoñibles actuacións musicais históricas en TVE ou a colección de series literarias que inclúe títulos como "El Quijote", "La Regenta", "Fortunata y Jacinta" ou "Los gozos y las sombras".
.

27/5/09

E no cotián... a poesía: Fernando Pessoa (1888-1935)


Fernando Pessoa é un dos mellores poetas do século XX malia que a súa vida transcorrese só no primeiro terzo do século. Unha das cuestións máis particulares da súa obra é que o autor constrúe diversas personalidades que, con diversos nomes, publican as súas obras. Estes diversos nomes chámanse heterónimos. Os máis importantes son: Álvaro de Campos, Ricardo Reis e Alberto Caeiro. O nome da persoa que crea os heterónimos chámase ortónimo. No caso de Fernando Pessoa, existe tamén unha personalidade intermedia (semi-heterónimo), moi próxima ao propio ortónimo, chamada Bernardo Soares. É este quen proclama a coñecida definición do poeta:
O poeta é um fingidor.
Finge tão completamente
Que chega a fingir que é dor
A dor que deveras sente.
E unha vez presentado o poeta, deixemos o protagonismo á poesía. A poesía de Pessoa é moi variada, mais nesta sección queremos fixarnos no seu gusto pola poesía tradicional, que el define como "o vaso de flores que o Povo põe à janela da sua Alma". A continuación transcribimos unha pequena mostra das súas Quadras ao gosto popular (1934-1935).
Deixa que um momento pense
Que ainda vives ao meu lado...
Triste de quem por si mesmo
Precisa ser enganado

Se ontem à tua porta
Mais triste o vento passou –
Olha: levaba um suspiro …
Bem sabes quem to mandou …


Aquela senhora velha
Que fala com tão bom modo
Parece ser uma abelha
Que nos diz: "Não incomodo"


26/5/09

Los alumnos de 4ºC en la conferencia sobre el cambio climático



Los alumnos de 4ºC asistimos ayer a la conferencia que impartió Juan Verdes Suárez, que fue miembro del Comité Nacional de Estrategias de la campaña electoral del presidente Obama y trabajó como asesor en cuestiones de medio ambiente y sostenibilidad en el gobierno de transición.


Ante el cambio climático lo primero que tiene que cambiar es el sistema productivo y económico internacional. Ahora , en tiempos de crisis, tenemos que reinventar y transformar muchos de los modelos que no funcionan como el sistema financiero y el endeudamiento masivo. Y, sobre todo, debemos cambiar todo un sistema de hábitos de consumo, absolutamente desproporcionados.


El crecimiento económico debe ir de la mano de la sostenibilidad de forma que esta se convierta en una ventaja competitiva. Es necesario invertir en energías renovables, en eficiencia energética y en la economía del conocimiento (I+D+i).


Después de la revolución industrial, la tecnológica y de internet ahora estamos en la REVOLUCIÓN VERDE.
Para ver entrevista en La Voz de Galicia pincha aquí.
Para saber más del tema pincha aquí


24/5/09

Muiñeira Celestial?

Segundo podemos ler na páxina de noticias chuza.org, existe unha estrela, situada 130 anos luz do sistema solar, que emite constantemente un ritmo de muiñeira! É unha estrela xigante amarela, moito máis luminosa que o sol, e 10 veces máis grande. O seu nome é máis ben pouco galego, xi Hydrae.

Que fantástica noticia para os astronautas galegos, que xa non teñen que levar o ritmo da casa!

Con este tipo de historias poderiamos ser escépticos. Ás veces vense cousas onde non as hai, mais esta vez parece bastante verídico. Se non o cren, escoiten atentamente premendo nesta ligazón, e comparen!

O CAMBIO CLIMÁTICO

A Deputación de Lugo presenta a conferencia "O cambio climático, o reto e a oportunidade". Terá lugar o luns día 25 de maio ás 20.30h no salón de actos do Pazo de San Marcos. O conferenciante é Juan Verdes Suárez, asesor de campaña de Barack Obama e asesor medioambiental do Presidente Bill Clinton e do Vicepresidente Al Gore. Tamén é presidente e fundador de "The Climate project Spain"

ConCiencia - Programa de divulgación científica 2009

O programa ConCiencia, da USC e o Consorcio de Santiago, chega á súa cuarta edición convertido nunha das accións de divulgación científica de máis impacto social de Galicia.
Entre os obxectivos desta iniciativa, cabe destacar:
-A divulgación científica a cargo de figuras do máximo nivel internacional.
-Proxecta-la imaxe da Cidade de Santiago de Compostela como foco universal do pensamento.
-Servir de ponte para o reforzamento de contactos científicos entre líderes da máxima relevancia científica mundial e o corpo de investigadores da USC.

Científicos de primeira clase mundial, recoñecidos co Premio Nobel, estarán na cidade ao longo deste ano:
Jean-Marie Lehn . Premio Nobel de Química 1987
XOVES 28 de maio
20:00 horas no Hostal dos Reis Católicos (Praza do Obradoiro, 1)
TÍTULO DA CONFERENCIA: Da materia á vida: Química? Química! (con tradución simultánea)
James Watson CroninKavli. Premio Nobel de Física 1980
LUNS 1 de xuño
20:00 horas no Centro Galego de Arte Contemporánea (r/ Valle Inclán, s/n)
TÍTULO DA CONFERENCIA: Algunhas viñetas na historia da investigación en raios cósmicos (con tradución simultánea)
Roger David Kornberg. Premio Nobel de Química 2006
LUNS 15 de xuño
20:00 horas no Teatro Principal (Rúa Nova, 21)
CONFERENCIA con tradución simultánea.

Na páxina web de ConCiencia podedes atopar moita máis información así como as seguintes novidades:
-Publicado o vídeo da Conferencia de Stephen Hawking
-Anunciado o gañador do Premio Fonseca 2008
-Publicado o vídeo da Conferencia de John F. Nash Jr.

22/5/09

GAÑADORES EN MATEMÁTICAS NA RÚA 2009


O departamento de Matemáticas felicita a todo o alumnado que participou na actividade, en especial ao equipo QUIMANÚMEROS, que acadou o segundo premio na súa categoría. Proximamente publicaremos as fotos dese día. Ídevos preparando para o próximo ano.

21/5/09

Veremos dúas lúas!



Posto que a Astronomía é unha ciencia ligada ás Matemáticas, dende este departamento queremos avisarvos dun fenómeno astronómico que sucederá no mes de Agosto e que culminará o 27 dese mes: Marte verase do mesmo tamaño que a Lúa, polo que parecerá que A Terra ten dúas lúas.


MARTE en agosto 2007 pps E G






MARTE en agosto 2007 pps E G rbm1942



20/5/09

E no cotián... a poesía: Sabela Rodríguez Oxea

Coa presentación da obra de Sabela, profesora deste instituto durante anos, comezamos unha sección que pretende poetizar o diario acontecer ao tempo que convida á lectura extensiva dos autores que presenta.

E que dicir de Sabela a modo de presentación? En torno á súa vida e obra podemos ler en foeminas, mais desde o seu instituto preferimos simplemente subliñar a lembranza dos seus compañeiros e deixar patente o cariño e a admiración dos seus alumnos e alumnas.

INTENCIÓN

Sen nengunha veleidade
De transcender o Olimpo
Expulso sentimentos margaridas
Para ceibar ao ar
As palabras que me afogan
E ficar así sen roupa
Que cubra o esquelete
Onde reside a única
E auténtica beleza.

Versos do silencio roto, 2005

18/5/09

Mario Benedetti (Paso de los Toros 1920-Montevideo 2009)


Espertamos hoxe coa lutuosa nova do pasamento de Mario Benedetti. Vaia como pequena homenaxe un dos poemas musicados por Joan Manuel Serrat. Se queres coñecer máis a poesía deste autor uruguaio podes ler o seu libro Gracias por el fuego na nosa biblioteca.



Con su ritual de acero
sus grandes chimeneas
sus sabios clandestinos
su canto de sirenas
sus cielos de neón
sus ventanas navideñas
su culto a dios padre
y de las charreteras
con sus llaves del reino
el norte es el que ordena

pero aquí abajo abajo
el hambre disponible
recorre el fruto amargo
de lo que otros deciden
mientras que el tiempo pasa
y pasan los desfiles
y se hacen otras cosas
que el norte no prohíbe
con su esperanza dura
el sur también existe

con sus predicadores
sus gases que envenenan
su escuela de chicago
sus dueños de la tierra
con sus trapos de lujo
y su pobre osamenta
sus defensas gastadas
sus gastos de defensa
son su gesta invasora
el norte es el que ordena

pero aquí abajo abajo
cada uno en su escondite
hay hombres y mujeres
que saben a qué asirse
aprovechando el sol
y también los eclipses
apartando lo inútil
y usando lo que sirve
con su fe veterana
el sur también existe

con su corno francés
y su academia sueca
su salsa americana
y sus llaves inglesas
con todos sus misiles
y sus enciclopedias
su guerra de galaxias
y su saña opulenta
con todos sus laureles
el norte es el que ordena

pero aquí abajo abajo
cerca de las raíces
es donde la memoria
ningún recuerdo omite
y hay quienes se desmueren
y hay quienes se desviven
y así entre todos logran
lo que era un imposible
que todo el mundo sepa
que el sur también existe.

17/5/09

XXVII FEIRA DO LIBRO EN LUGO



Na praza maior comezaron onte unha gran cantidade de actividades arredor dos libros: charlas, recitais, lecturas, contacontos, sinatura de exemplares, presentacións de libros, sorteos de lotes de libros, concursos de relatos, poesía, debuxos...
Acaso o ides perder?
Para saber todas as actividades que hai cada día preme AQUÍ e irás a páxina do Concello de Lugo, despois só terás que volver premer no cartel.

EMPRENDEDORES! O 19 É O VOSO DÍA


O día do emprededor este ano celébrase o 19 de maio, sendo a 4ª das súas edicións.
O Instituto Galego de Promoción Económica (Igape) e Bic Galicia, xunto co Ministerio de Industria organizan o encontro, que terá como eixos fundamentais as oportunidades de negocio, a innovación, o financiamento e a internacionalización. Ademais, entre as principais novidades, o IV Día do Emprendedor inclúe a posibilidade de que os asistentes dispoñan de asesoramento personalizado e gratuíto, facilitado por técnicos e expertos nas diferentes áreas de xestión empresarial.

A 4ª edición de "Emprendemos Xuntos" quere transmitir a través do lema "Visión emprendedora, oportunidade empresarial" a necesidade de contar, agora máis que nunca, coas ideas, proxectos e esforzos de todos, na procura de oportunidades empresariais.
En Lugo tamén podemos asistir a unha xornada organizada polo CEI (Centro de Empresas e Inovación) con gran cantidade de actividades de interese, tanto pola mañá como pola tarde. Podes informarte e inscribirte AQUÍ
Para empezar, empápate do espíritu dos emprendedores, vendo este motivador vídeo:



No noso instituto comezamos o ano pasado coa materia "Obradoiro de iniciativas emprendedoras", este curso dase en 3º e 4º da ESO. Como son a profesora que o imparte aproveito a ocasión para felicitar ao meu alumnado, moitos participaron no concurso de "Galicia Innovación Júnior" e están preseleccionados 4 proxectos na 1ª fase que xa seguro obteñen un premio, oxalá nos levemos algún primeiro o segundo, pero xa é mérito estar preseleccionados.
Felicidades en especial a Borja Mirón e Marcelo Taboada, a Francisco Peteira e a Sarai Argiz, tamén quero agradecer a colaboración do profesor de tecnoloxía, Gerardo Baamonde, e a dos alumnos que lles animan e axudan na 2ª fase do concurso.

Relacionado co emprendemento, na nosa bilioteca temos volumes moi interesantes:
El arte de empezar. KAWASAKY, GUY.
La guía del emprendedor: combinaciones transgresoras para crear un negocio único. BROWN, DANIEL e HERRERA, HERNÁN.
La estrategia en el posavasos o Cómo convertir una buena idea en un gran negocio . SOURTHON, MIKE e WEST, CHRIS.
Cambio de vida. Cómo me hice rico. ZÁRATE, AITOR.

E por último, unha cita para reflexionar:

"Os emprendedores son os que ven poucas diferenzas entre obstáculos e oportunidades e poden tornar ambas ao seu favor". Nicolás Maquiavelo.

15/5/09

Parabéns aos premiados no concurso de citas


Fallouse o concurso de citas persoais orixinais e o sorteo de citas favoritas.
Desde o equipo da biblioteca queremos agradecer a colaboración do profesorado e de todo o persoal do centro na súa difusión, e a súa axuda na posta en marcha desta actividade. Por suposto, tamén queremos agradecer a todo o alumnado a súa participación.
No sorteo de citas favoritas, o elexido pola sorte foi Manuel Sánchez Arroyo, de 1º da ESO.
Por outra parte, no concurso de frases orixinais, debemos dicir que foi difícil escoller a cita persoal porque moitos puxéronlle moita ilusión e bonitas palabras, pero como so podía gañar un damos os parabéns a ...tachán...
Cristóbal Pérez del Blanco, alumno de 3º da ESO, coa frase:


"Un libro unha esperanza, un libro unha ilusión. Un libro descuberto é un libro aberto, pero un libro pechado é un mundo por descubrir cheo de ilusión"


Oxalá todos e todas sigamos descubrindo mundos cheos de ilusión.

Concurso de ensaio xuvenil


Vimos de celebrar hai uns días o 59 cabodano da creación de Europa segundo a proposta de Robert Schuman. O ano que vén, celebraremos, logo, os 60 anos. Con motivo deste acontecemento o Consello de Europa organiza un concurso de ensaio co tema Como te imaxinas a un cidadán europeo do futuro? As bases do concurso foron publicadas no BOE do día 11 de maio (III. Otras disposiciones. Ministerio de Educación).

Debes presentar o teu traballo xunto coa "ficha de participación" ANTES DO 3 DE XUÑO. Podes utilizar calquera medio dos previstos no artigo 38.4 da Lei 30/1992, de Réxime Xurídico das Administracións Públicas e do Procedimento Administrativo Común. A ficha de participación debe ir asinada polo profesor ou profesora que coordine o traballo e levar o visto e prace do director do centro. O enderezo ao que hai que remitir o ensaio é o seguinte:

Subdirección General de Cooperación Internacional.
Ministerio de Educación.
Paseo del Prado, n.º 28. 2.ª planta. 28014 Madrid.

Visita o museo, aprende e recibe un agasallo

O Día Internacional do os Museos celébrase o 18 de maio en todo o mundo desde o ano 1977, tal día foi o resultado da resolución tomada na XII Asemblea Xeral do ICOM (Consello Internacional de Museos) en Moscova. O ICOM, creado en 1946 é unha organización non gobernamental, dependente da UNESCO (Organización das Nacións Unidas para a Educación, a Ciencia e a Cultura), aglutina a museos e profesionais, e está dirixida á conservación, mantemento e comunicación do patrimonio natural e cultural do mundo, presente e futuro, tanxible e intanxible.
Para este ano 2009, o lema elixido polo ICOM para o Día Internacional dos Museos é: Museos e Turismo, para pór de relevo a importancia do turismo ético alentando aos profesionais de museos e os voluntarios a traballar cos visitantes e turistas, creando interaccións coas comunidades locais para coñecer o patrimonio na práctica, fóra e dentro do recinto dos museos.
No Museo Provincial de Lugo (Praza da Soidade, s/n) hai programadas actividades moi interesantes os días 16, 17 e 18, e incluso entrega de agasallos para os visitantes. Consulta o programa premendo AQUÍ

14/5/09

Ramón Piñeiro (Láncara, 1915-Compostela, 1990)


Sabido é que este ano se dedica o día das letras a Ramón Piñeiro. Como é habitual, o centro organiza unha grande cantidade de actividades relacionadas co autor. Hoxe mesmo escoitamos a disertación do profesor Miguel Barros sobre As primeiras ideas políticas de Ramón Piñeiro e mañá venres día 15 disfrutaremos do festival preparado para a celebración do evento. No transcurso do festival serán entregados os premios, entre outros, do certame literario organizado polo Departamento de Lingua Galega e Literatura.

Con todo, o que sempre persegue a celebración das letras é a difusión da lingua e a literatura. Propoñemos que visitedes por exemplo a páxina especial da Biblioteca Virtual Galega para ir coñecendo a vida e a obra do autor homenaxeado.

Por outra banda, na nosa biblioteca podes ler a Filosofía da saudade de Ramón Piñeiro. Para ir abrindo boca, transcribimos un pequeno anaco do libro:

"Cando falamos de que cada pobo ten a súa filosofía xenuína, enténdese que esta filosofía non se pode reducir a un sistema senón que máis ben consiste nunha peculiar actitude mental ou interpretación dos problemas filosóficos, ou mellor, nunha peculiar vivencia e expresión deses problemas." (Ramón Piñeiro, Filosofía da saudade, p. 22)

13/5/09

Feliz día da internet

A celebración o 17 de maio do día da internet xorde por iniciativa da Asociación de Usuarios de Internet (AUI) á que posteriormente se suman outras organizacións, que conforman o Comité de Impulso, e que invitan a toda a sociedade a que promovan actividades e eventos con motivo desta conmemoración.
O obxectivo non é outro que o de difundir e promover o uso de Internet en toda a Sociedade e conseguir que Internet sexa cada vez máis accesible para as persoas que teñen algunha discapacidade.

EN LUGO hai unha serie de actividades organizadas pola concellería de Servicios Xerais:
O 14 de maio de 2009 celébrase o día da internet na Praza de Abastos de Lugo. De 10:00 a 20:00 hs.

OBRADOIROS:
Facebook: os usuarios crearán unha conta e aprenderán o uso desta ferramenta (subir fotos, realizar comentarios, xogos, test...).
YouTube: os usuarios gravarán un vídeo e aprenderán a subilo.
Skype: creación dunha conta para que despois podan empregar un servizo de mensaxería.
Google: creación dunha conta de correo electrónico en Gmail e ver todas as posibilidades que ofrece este buscador.

ACTIVIDADES PARALELAS:
Exposición titulada A Historia de Internet e espazo de ocio equipado con Wii.

SE PARTICIPAS... ENTRARÁS NO SORTEO DUN ORDENADOR

Para máis información entra no enlace http://euconecto.org/

Ademais, se entras en http://maisinternetmaisgalego.org/ podes gañar unha memoria USB.

Repasamos o soporte vital básico?


Durante o mes de abril fíxose no instituto un cursiño para o profesorado sobre primeiros auxilios e soporte vital básico, no que tamén se explicaba como se facía unha reanimación cardiopulmonar e o funcionamento do desfibrilador externo. O alumnado tamén aprendeu como actuar ante unha emerxencia extrahospitalaria, e cónstanos que valorou moito a actividade, igual que o profesorado, porque non tivéramos oportunidade de practicar cun moneco e porque sabemos o importante que é saber reaccionar a tempo. Pero ademais a experiencia foi moi levadeira e incluso entretida, así que MOITAS GRAZAS BERTA.

Claro que aqueles que queiran seguir aprendendo sempre poden visitar a wikipedia e estudar a bibliografía alí citada.

11/5/09

Queres ter boa sorte?

O libro da boa sorte é un conto que relata como asumir un reto diferente, buscar un trevo máxico ou crear circunstancias para que xerminen moitos máis que un trevo máxico de catro follas.
A Sorte non dura demasiado tempo, porque non depende dun. A Boa Sorte créaa un mesmo, por iso dura sempre.


Aprende como a actitude e a perseverancia poden axudarnos en todas as facetas da nosa vida, e despois aplícao.
Podes pedir o libro na biblioteca, temos varios exemplares.
Tras ler o libro podes practicar o lido e pasar un bo rato cun xogo divertido.

6/5/09

Celebra o 9 de maio, día de Europa

O 9 de maio de 1950, Robert Schuman presentou a súa proposta para a creación dunha Europa organizada, requisito indispensable para o mantemento de relacións pacíficas.

Esta proposta, coñecida como "Declaración Schuman", considérase o xerme da creación do que actualmente é a Unión Europea.

O 9 de maio converteuse no símbolo europeo (Día de Europa) que, xunto coa bandeira, o himno, o lema e a moeda única (o euro) identifican a entidade política da Unión Europea. No Día de Europa celébranse actividades e festexos que achegan Europa aos seus cidadáns e irmandan aos distintos pobos da Unión.
Coñece e participa nas actividades para celebrar este día en Galicia pinchando AQUí
En Lugo hai programados xogos e diversos actos na Praza Maior.

¿Queres saber máis sobre Europa?
Para participar en concursos e xogos on-line:

http://www.springday2009.net/ww/es/pub/spring2009/homepage.htm

Día internacional do comercio xusto


O segundo sábado de maio celébrase en todo o mundo o Día internacional do comercio xusto, que pretende chamar a atención sobre a mellora das relacións comerciais cos países en desenvolvemento, de xeito que esas relacións comerciais beneficien aos produtores e non a empresas transnacionais intermediarias.
En Lugo, A Cova da Terra organiza unha serie de actividades interesantes que convén ter en conta.

3/5/09

Saúdos


Ola a todas e todos! A Biblioteca do IES Xoán Montes inaugura este blog co que pretende chegar dun xeito máis efectivo a toda a comunidade educativa. Para iso precisa tamén a túa colaboración. Grazas.

Podes poñerte en contacto con nós no seguinte enderezo electrónico:

bibliotecaxoanmontes@gmail.com

Este blog non ten carácter oficial e os autores son os responsables dos artigos e comentarios publicados.